სოციალური პარტნიორობის სამმხრივი კომისიის სტრატეგიული დაგეგმარების სამუშაო შეხვედრა გაიხსნა.

ღონისძიებას შრომის, ჯანმრთელობისა და სოციალური დაცვის მინისტრი დავით სერგეენკო წარუძღვა. მან ყურადღება შრომის უსაფრთხოების საკითხების ფინალიზაციისთვის სამუშაო შეხვედრის მნიშვნელობაზე გაამახვილა.

მხარეებმა გასული ორი წლის სამოქმედო გეგმა შეაფასეს. გეგმის ფარგლებში, შრომის ინსპექციის, სამუშაო ადგილზე ჯანმრთელობისა და უსაფრთხოების, საპენსიო რეფორმის, შრომის კოდექსში შესატანი ცვლილებების, ევროპის სოცილური ქარტიის არარატიფიცირებული მუხლების/პუნქტების რატიფიცირების, საინვესტიციო პოლიტიკისა და სხვა მნიშვნელოვანი საკითხები განიხილებოდა. ჯანდაცვის სამინისტროს შრომისა და დასაქმების პოლიტიკის დეპარტამენტის უფროსმა, ელზა ჯგერენაიამ კითხვარის საფუძველზე მომზადებული პრეზენტაციაც წარადგინა. მიმდინარე წლის რიგით პირველ სამუშაო შეხვედრაზე, კომისიის მიერ 2018-2019 წლებში განსახილველ საკითხთა ნუსხა განისაზღვრა.

სოციალური პარტნიორობის სამმხრივი კომისიის სტრატეგიული დაგეგმარების სამუშაო შეხვედრა შრომის საერთაშორისო ორგანიზაციის მხარდაჭერით გაიმართა. ღონისძიებას შრომის, ჯანმრთელობისა და სოციალური დაცვის მინისტრის მოადგილე თამილა ბარკალაია, იუსტიციის მინისტრის პირველი მოადგილე ალექსანდრე ბარამიძე, პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე  აკაკი ზოიძე, საქართველოს დამსაქმებელთა ასოციაციის პრეზიდენტი ელგუჯა მელაძე, პროფესიული კავშირების გაერთიანების თავმჯდომარე ირაკლი პეტრიაშვილი, შრომის საერთაშორისო ორგანიზაციის უფროსი ტექნიკური მრჩეველი ჟოლტ დუდასი და სხვა ოფიციალური პირები ესწრებოდნენ.

(NS)

ავტორი: ,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.