„ჩვენ ეჭვიც კი არ გვეპარება საქართველოს მიმზიდველობაში“,-ამის შესახებ ევროპის განვითარებისა და რეკონსტრუქციის ბანკის პრეზიდენტმა სერ სუმა ჩაკრაბარტიმ საქართველოს საინვესტიციო პოტენციალის პრეზენტაციაზე სიტყვით გამოსვლისას განაცხადა.

მისივე თქმით, ბიზნესის კეთების სიმარტივის კუთხით, საქართველო ყოფილი დსთ-ს ტერიტორიაზე  ნომერ პირველი ქვეყანაა.

„როტომ  არის საქართველო საინტერესო  როგორც  ინვესტირების დანიშნულების  ადგილი? საქართველოში არის ძალიან კარგი  კერძო სექტორი და საქართველოს აქვს კარგი შესაძლებლობა მარკეტინგი მოახდინოს.  ჩვენ ეჭვიც კი არ გვეპარება საქართველოს  მიმზიდველობის შესახებ. ჩვენ  დავიწყეთ მუშაობა 1993 წელს და ჩვენ  დიდი ინვესტირება მოვახდინეთ სხვადასხვა სექტორებში. 2,6 მილიარდი დოლარი  იყო ყველაზე დიდი ინვესტიცია ერთ სულ მოსახლეზე, თუ შევადარებთ ნებისმიერ სხვა ქვეყანას.  2014 წელს ჩვენ გავაორმაგეთ ჩვენი ინვესტირება წინა წელთან შედარებით. ჩვენ გავაგრძელებთ ამ ციფრის ზრდას.  ძალიან ბევრი მცირე და დიდი ბიზნესი გაძლიერდა და გახდა  სერიოზულად კონკურენტუნარიანი რეგიონში, ჩვენ ვამაყობთ ამით.   საქართველოს ისტორია არ არის მხოლოდ EBRDS-ს
ისტორია, ეს არის  ისეთი ქვეყნის ისტორია,  რომელსაც  ეყო ძალა იმისათვის,რომ განეხორციელებინა სერიოზული  რეფორმები, ისტორია  ადამინებისა და ქვეყნისა, რომელიც ღებულობდა სერიოზულ გადაწყვეტილებას  და ყველაფერს  აკეთებდა იმისათვის, რომ თავისი ქვეყანა საბაზრო ეკონომიკის  რელსებზე გადაეყვანა.  ამიტომ 189 ქვეყნიდან  ჩვენს კვლევაში საქართველო  მე-15 ადგილზეა საქმის კეთების სიმარტივის  კუთხით.  ეს არის ნომერ პირველი  ქვეყანა  ყოფილი დსთ-ს ტერიტორიაზე, მე ვთვლი, რომ ეს არის პიონერის როლი, რომელიც ითავა საქართველომ“,-განაცხადა ჩაკრაბარტიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით