საქართველოს პირველი რესპუბლიკის შესახებ იუსტიციის სამინისტროს ეროვნული არქივის  ყოველწლიურ სასკოლო-საგანმანათლებლო პროექტში მონაწილეობის მსურველთა განაცხადების მიღება 25 თებერვლის ჩათვლით მიმდინარეობს. 

2018 წელს საქართველოს პირველი რესპუბლიკის დაარსებიდან 100 წელი შესრულდა. ამ თარიღის აღსანიშნავად ეროვნულმა არქივმა კიდევ უფრო გაზარდა პროექტის მასშტაბი და მასში მონაწილეობა საქართველოს ნებისმიერი სკოლის გუნდს შეუძლია.

პირველი რესპუბლიკის შესახებ პროექტში რეგისტრაციის დასრულების შემდეგ მონაწილეები ეროვნული არქივიდან მიიღებენ 1918-1921 წლების ისტორიის ამსახველ ლიტერატურის ელექტრონულ ვერსიას. სკოლებში VIII-XII კლასის მოსწავლეებისაგან ჩამოყალიბდება ჯგუფები, რომლებიც მიმდინარე წლის აპრილში ვიქტორინის ნახევარფინალში (დასავლეთ საქართველოში მდებარე სკოლებისთვის ნახევარფინალური ეტაპი ჩატარდება ქუთაისში, ხოლო აღმოსავლეთ საქართველოში მდებარე სკოლებში - თბილისში), ხოლო მაისში - ფინალში (თბილისი) შეეჯიბრებიან ერთმანეთს. გამარჯვებულები გამოვლინდებიან რამდენიმე ნომინაციაში და   სხვადასხვა პრიზითა და სიგელით დაჯილდოვდებიან.

ამ ეტაპზე რეგისტრაცია 80-მდე სკოლის გუნდმა გაიარა.

საგანმანათლებლო პროექტს - საქართველოს პირველი დემოკრატიული რესპუბლიკა - 2015 წელს ჩაეყარა საფუძველი და მისი მიზანი პირველიდემოკრატიული რესპუბლიკის ისტორიით მოსწავლეთა დაინტერესებაა. პროექტში ამ დრომდე 700-ზე მეტი მოსწავლე იყო ჩართული.

პროექტის შესახებ დაწვრილებითი ინფორმაცია იხილეთ ბმულზე: http://www.archives.gov.ge/ge/saqartvelos-pirveli-demokratiuli-respublika.

(NS)

ავტორი: ,

სოციალური ქსელები

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს