2018-01-12 18:56:52, 2294 ნახვა
კომენტარი
ჟან-კლოდ იუნკერი: თურქეთი ევროკავშირს ვერ მიუახლოვდება, სანამ ჟურნალისტებს არ გაათავისუფლებს
ევროკომისიის თავმჯდომარის ჟან-კლოდ იუნკერის განცხადებით, თურქეთი ევროკავშირს ვერ მიუახლოვდება, სანამ ჟურნალისტებს არ გაათავისუფლებს, - ამის შესახებ "რია ნოვოსტი" იუწყება.
ამასთან, როგორც იუნკერმა აღნიშნა, თურქეთთან ურთიერთობა ევროგაერთიანებისთვის მნიშვნელოვანია.
"არაერთხელ მითქვამს, რომ თურქეთი დიდი ნაბიჯებით შორდება ევროპულ ამბიციებს. ვნახოთ, როგორ პროგრესს მიაღწევს თურქეთი უახლოეს თვეებში. თუმცა არანაირი პროგრესი არ იქნება, სანამ თურქეთის ციხეებში ჟურნალისტები იქნებიან", - განაცხადა იუნკერმა.
ცნობისთვის, 6 იანვარს თურქეთის პრეზიდენტმა რეჯეფ ტაიფ ერდოღანმა განაცხადა, რომ თურქეთი ევროკავშირის წევრობის შესახებ დაუსრულებელი მოლაპარაკებებისგან დაიღალა.
![]()
ავტორი: ,
epn.ge (@expressnews.ge)
