15 დეკემბერს Caspian European Club-მა და Caspian Energy Georgia-მ, პაშა ბანკის და აზერბაიჯანის საელჩოს მხარდაჭერით CEO Lunch Tbilisi-ის მესამე შეხვედრა და აზერბაიჯან-საქართველოს ბიზნეს ფორუმი გამართეს.

შეხვედრის საპატიო სტუმრებს შორის იყვნენ აზერბაიჯანის ელჩი საქართველოში ბ-ნი დურსუნ ჰასანოვი, ქვემო ქართლის გუბერნატორი გრიგოლ ნემსაძე და იმერეთის სახელმწიფო რწმუნებული-გუბერნატორი გივი ჭიჭინაძე.

სიტყვით გამოსვლისას აზერბაიჯანის ელჩმა ხაზი გაუსვა CEO Lunch Tbilisi-ის შეხვედრების მნიშვნელობას საქართველო-აზერბაიჯანის ბიზნეს წრეების დაახლოებისთვის და ახალი კონტაქტების დამყარებისთვის.

ქვემო ქართლის გუბერნატორმა გრიგოლ ნემსაძემ მადლობა გადაუხადა Caspian Energy Georgia-ს მოწვევისთვის და აღნიშნა, რომ აზერბაიჯან-საქართველოს ბიზნეს ფორუმი ქმნის კომფორტულ გარემოს ორი ქვეყნის ეკონომიკური ურთიერთობების გასაღრმავებლად. გუბერნატორმა დეტალურად უამბო სტუმრებს ქვემო ქართლის რეგიონში ინვესტირების შესაძლებლობებზე ისეთ სექტორებში, როგორიცაა: სოფლის მეურნეობა, ტურიზმი და ენერგომატარებლები. 

იმერეთის რეგიონის გუბერნატორი გივი ჭიჭინაძე მიესალმა მონაწილეებს და პროექტს წარმატება უსურვა. მან იმერეთის მხარეში ბიზნესის განვითარების შესაძლებლობებზე ისაუბრა და მიმოიხილა ადგილობრივი საინვესტიციო ბაზარი, საგადასახადო სისტემა, თავისუფალი ეკონომიკური ზონა და რეგიონში ბიზნესის მხარდაჭერის პროგრამები. 

Caspian European Club-ის და Caspian American Club-ის თავმჯდომარის პირველმა მოადგილემ ტელმან ალიევმა მადლობა გადაუხადა საქართველოს მთავრობას, აზერბაიჯანის ელჩს ბ-ნ დურსუნ ჰასანოვს და პაშა ბანკს CEO Lunch Tbilisi პროექტის მხარდაჭერისთვის. 

პაშა ბანკის გენერალურმა დირექტორმა და დირექტორთა საბჭოს თავმჯდომარემ შაჰინ მამმადოვმა სტუმრებს გააცნო პაშა ჰოლდინგში შემავალი კომპანიები და ისაუბრა პაშა ბანკის ფინანსურ მაჩვენებლებზე საქართველოში დაფუძნებიდან დღემდე.

CEO Lunch Tbilisi-ის შეხვედრები კომფორტული, არაფორმალური გარემოა ორი ქვეყნის კერძო და საჯარო სექტორების წარმომადგენლების მოლაპარაკებების საწარმოებლად და ახალი კონტაქტების დასამყარებლად. შეხვედრას დაესწრო ოთხმოცამდე სტუმარი აზერბაიჯანიდან და საქართველოდან. 

(R)

ავტორი: ,

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება