საქართველოში საერთაშორისო ფიტოსანიტარიული სტანდარტების დანერგვის და სრულყოფის მიზნით, სოფლის მეურნეობის სამინისტროში სამმხრივი მემორანდუმი გაფორმდა.

მემორანდუმს ხელი სოფლის მეურნეობის მინისტრმა ლევან დავითაშვილმა, აშშ-ის საერთაშორისო განვითარების სააგენტოს (USAID) მისიის ხელმძღვანელმა, დაგლას ბოლიმ და ჩეხეთის განვითარების ფონდის ხელმძღვანელმა, პაველ ფრელიხმა მოაწერეს. 

ლევან დავითაშვილმა ხაზგასმით აღნიშნა საქართველოს ფიტოსანიტარიული შესაძლებლობების გაძლიერების მიმართულებით, მათ შორის, საერთაშორისო სტანდარტების დანერგვაში, პარტნიორ  ორგანიზაციებთან  მრავალწლიანი თანამშრომლობის და ჩართულობის მნიშვნელობა.

„დღეს არსებული გამოწვევების  და  გარემოს  გლობალური ცვლილებების ფონზე, მცენარეთა დაცვის მიმართულება  ერთ-ერთი პრიორიტეტულია,  შესაბამისად, მნიშვნელოვანია ძლიერი ფიტოსანიტარიული სისტემის ჩამოყალიბება, რომელიც სრულად უპასუხებს საერთაშორისო სტანდარტებს და  მოთხოვნებს“, - განაცხადა ლევან დავითაშვილმა. 

საქართველოში ფიტოსანიტარიული კონტროლის სისტემის პროექტი ოთხწლიანია და მცენარეთა  დაცვის საშუალებების რეგისტრაციის სისტემის დახვეწას, მავნე ორგანიზმების კონტროლისა და მონიტორინგის  გაუმჯობესებას ითვალისწინებს. 

(NS)

ავტორი: ,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.