ხვალ, 19 ოქტომბერს, 13.00 საათზე,  ,,ფუნიკულიორში", ქართულ-ამერიკული ბიზნესსაბჭო  აშშ-ს სავაჭრო და საინვესტიციო მისიის წარმომადგენლებთან შეხვედრას გამართავს.

შეხვედრას ეკონომიკისა და მდგრადი განვითარების მინისტრი გიორგი გახარია, აშშ-ს ელჩი საქართველოში იან კელი, ასევე აშშ-ს სავაჭრო პალატის და უცხოური საინვესტიციო კორპორაციების დაახლოებით  30  წარმომადგენელი დაესწრება.

ეკონომიკის სამინისტროს ინფორმაციით, აშშ-ს სავაჭრო მისია საქართველოში ამერიკის შეერთებული შტატების  კომერციის დეპარტამენტისა და საქართველოში ამერიკის საელჩოს ორგანიზებით იმართება. მისიის ფარგლებში სამშენებლო, ლოგისტიკის, საკომუნიკაციო და ტექნოლოგიების სექტორში მომუშავე კომპანიები 100-ზე მეტ ბიზნესშეხვედრას გამართავენ საქართველოში ვაჭრობის გაძლიერებისა და  სამომავლო ინვესტირების მიზნით.

საქართველოს ეკონომიკისა და მდგრადი განვითარების მინისტრი სტუმრებს ეკონომიკის განვითარების გეგმას, მომავალი წლის პრიორიტეტულ პროექტებს და უახლეს ეკონომიკურ მიღწევებს წარუდგენს.

ამერიკის სავაჭრო მისიაში მონაწილე კომპანიები არიან: Acrow Bridge, Baron Weather, Bechtel, Budget, Coca-Cola, Lockheed Martin, Miyamoto International, MWH, Nova Power, Obie Technologies, The Greenbrier and VISA.

(NS)

ავტორი: ,

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც