საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი, აშშ-ში სამუშაო ვიზიტის ფარგლებში საერთაშორისო სარეიტინგო კომპანიის „სტანდარდ ენდ ფუარსის" წარმომადგენელს შეხვდა.

ფინანსთა სამინისტროს ინფორმაციით, შეხვედრაზე საქართველოს მაკროეკონომიკური მაჩვენებლები და მიმდინარე ეკონომიკური რეფორმები განიხილეს.

უწყების ცნობით, ყურადღება გამახვილდა საქართველოს ეკონომიკაში მიმდინარე პროცესებზე, მიმდინარე და სამომავლოდ დაგეგმილ რეფორმებზე და ეკონომიკის სტიმულირების მიზნით მიღებულ გადაწყვეტილებებზე.

პირველმა ვიცე-პრემიერმა სარეიტინგო სააგენტოს წარმომადგენელს გააცნო მთავრობის 4-პუნქტიანი რეფორმების გეგმა და მის ფარგლებში მიმდინარე რეფორმები. მათ შორის, განსაკუთრებული აქცენტები გაკეთა განათლებისა და სივრცითი განვითარების რეფორმებზე.

დიმიტრი ქუმსიშვილმა ასევე ისაუბრა იმ დადებით ტენდენციებზე, რომლებიც არსებობს საქართველოსა და იმ ქვეყნებს შორის, რომლებთანაც საქართველოს აქვს გაფორმებული თავისუფალი ვაჭრობის შეთანხმება.

ლარიზაციის 10-პუნქტიან გეგმასა და მის შედეგებზე ისაუბრა ეროვნული ბანკის პრეზიდენტმა, კობა გვენეტაძემ. მისი განცხადებით, 2017 წელს დოლარიზაციის მაჩვენებლებს შემცირების ტენდენცია აქვს, რაც დადებითი მოვლენაა. სექტემბრის მდგომარეობით, დეპოზიტების დოლარიზაცია წლის დასაწყისიდან შემცირდა 6 პროცენტული პუნქტით 65%-მდე, ხოლო სესხების დოლარიზაცია  შემცირდა 9 პროცენტული პუნქტით 56%-მდე. ფიზიკური პირების სესხების დოლარიზაცია შემცირდა 12 პროცენტული პუნქტით 46%-მდე.

შეხვედრას ასევე დაესწრნენ ფინანსთა მინისტრის მოადგილე ნიკოლოზ გაგუა და საქართველოს ელჩი აშშ-ში დავით ბაქრაძე.

ცნობისთვის, დიმიტრი ქუმსიშვილი აშშ-ში საერთაშორისო სავალუტო ფონდისა და მსოფლიო ბანკის წლიურ შეხვედრებში მონაწილეობს.

(NS)

ავტორი: ,

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც