2017-10-12 17:48:50, 1968 ნახვა
კომენტარი
დავით მათიკაშვილი: ვეტოების რაოდენობის მიხედვით შეიძლება, გინესის წიგნშიც შევიდეთ
იურიდიულ საკითხთა კომიტეტში საკონსტიტუციო ცვლილებების პროექტზე პრეზიდენტის მოტივირებულ შენიშვნებს განიხილავენ.
მომხსენებელი პრეზიდენტის საპარლამენტო მდივანი ანა დოლიძეა.
როგორც სხდომაზე საპარლამენტო უმრავლესობის წევრმა დავით მათიკაშვილმა აღნიშნა, ამდენი ვეტო შეუძლებელია არ იყოს ოპოზიციონერი პრეზიდენტის მიერ დადებული:
„გინესის წიგნშიც შეიძლება შევიდეთ ვეტოების რაოდენობის მიხედვით. წარმოუდგენელია, რომ ამდენი ვეტო არ იყოს ოპოზიციონერი პრეზიდენტის მიერ დადებული. გამორიცხულია, პრეზიდენტი იყოს არბიტრი და მან ამდენი ვეტო დაადოს კანონპროექტს, ამდენი ვეტო გამოიყენოს მისი საპრეზიდენტო კარიერის განმავლობაში“,-აღნიშნა დავით მათიკაშვილმა.
შეგახსენებთ, პრეზიდენტმა საკონსტიტუციო ცვლილებების პროექტს ვეტო დაადო და დოკუმენტი მოტივირებული შენიშვნებით პარლამენტს უკან დაუბრუნა.
![]()
ავტორი: ,
epn.ge (@expressnews.ge)
