საქართველოს პრემიერ-მინისტრი გიორგი კვირიკაშვილი  თბილისის საკრებულოსთან გუშინ განვითარებულ მოვლენებს გამოეხმაურა.

კვირიკაშვილის შეფასებით, ოპოზიციის რადიკალურად განწყობილი ნაწილის მიზანია, მოსახლეობას დაანახოს, თითქოს არჩევნების მშვიდობიან გარემოში ჩატარებას ხელი ეშლება.

მისივე თქმით, სამართალდამცველებმა კანონის მოთხოვნათა სრული დაცვით იმოქმედეს:

„ამ საკრებულოს წინ ვნებათაღელვასთან დაკავშირებით მინდა ვთქვა, რომ ყველამ ვიხილეთ, არა მხოლოდ ჩვენ, არამედ მთელმა მოსახლეობამ, რომ ოპოზიციის ერთი ნაწილის, რადიკალური ნაწილის მთავარი მიზანია, არჩევნების წინ შექმნას შთაბეჭდილება, თითქოს არჩევნების სტაბილურად, მშვიდობიანად ჩატარებას რაიმე ხელს უშლის, თითქოს მათ აზრის გამოხატვაში ვინმე ხელს უშლის. ვფიქრობ, ეს სიცრუე ყველამ დაინახა. სამართალდამცავებმა კანონის სრული დაცვით იმოქმედეს და პროვოკატორებს საკრებულოს  სხდომის ჩაშლის საშუალება არ მისცეს. მინდა, ყველას ვუთხრა, დღეს ჩვენი სახელმწიფო პატივს სცემს ადამიანის ღირსებას, მის ძირითად უფლებებს  და სტაბილურობას, რომელიც ჩენ მოვიპოვეთ, ვერანაირი რისკის ქვეშ ვერ დავაყენებთ, რა თქმა უნდა, ჩვენ ამის ძალა შეგვწევს. ასევე მინდა ვთქვა, რომ გუშინ ათასგვარი სიცრუე მოვისმინეთ, დაწყებული იქიდან, რომ სხდომა დახურეს, ამ დროს პირდაპირ ეთერში მიმდინარეობდა სხდომა, დამთავრებული იმით, რომ ერთ-ერთი ყველაზე სტრატეგიული და მნიშვნელოვანი ინვესტიცია ჩვენი დედაქალაქისთვის მონათლონ დანაშაულად და ვფიქრობ, ეს სიცრუეც ყველამ დაინახა. დარწმუნებული ვარ, ამ ადამიანების მცდელობას არანაირი პერსპექტივა არ აქვს და ვერ ექნება. მათაც მინდა იცოდნენ კარგად, რომ დასრულდა ის ხანა, როდესაც ისინი წარმატებულად ახორციელებდნენ სიცრუით მოსახლეობის აზრის მართვას. სიცრუის და მოსახლეობის შეცდომაში შეყვანის ხანა ჩვენს ქვეყანაში 2012 წელს დასრულდა. ამ მონაპოვარს ჩვენ ძალიან საგულდაგულოდ გავუფრთხილდებით”, - აღნიშნა პრემიერმა.

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება