სოფლის მეურნეობის სამინისტროს სამეცნიერო-კვლევითი ცენტრის მეცნიერ-თანამშრომლებმა, მეცნიერებისა და ინოვაციების საერთაშორისო ფესტივალის ფარგლებში, საქართველოს ტექნიკურ უნივერსიტეტში სტუდენტებისთვის და დაინტერესებული პირებისთვის სემინარები ჩაატარეს.

უწყების პრესსამსახურის ინფორმაციით,  სემინარის ფარგლებში განიხილეს ზოოანთროპონოზური ინვაზიური დაავადებების ეპიდემიოლოგიური მდგომარეობა და მათი აღმძვრელებით ადამიანის დაავადების რისკ-ფაქტორები,  თუთის აბრეშუმხვევიას გენოფონდის შენარჩუნების მნიშვნელობა და გაუმჯობესების ღონისძიებები, სარძეო და სახორცე მეძროხეობის განვითარების პერსპექტივები საქართველოში, ვირუსები უტევენ მოსავალს; აგროწარმოების კარგი პრაქტიკა - „GAP".

მათივე ინფორმაციით, მსმენელებს საშუალება ჰქონდათ მიეღოთ სრული ინფორმაცია აგრარულ დარგში მიმდინარე პოექტებისა და ინოვაციების შესახებ და გაცნობოდნენ სოფლის მეურნეობის სამეცნიერო-კვლევითი ცენტრის საქმიანობას.

„აგრარული მეცნიერების დღის“ ფარგლებში ასევე გაიმართა სოფლის მეურნეობის სამეცნიერო-კვლევითი ცენტრის სასტენდო გამოფენები, სადაც სხვადასხვა ექსპონატთან ერთად წარდგენილი იყო სიმინდის ახალი ჯიში „სახამებლიანი შავი” და შვრიის ახალი ჯიში „არგო“.

მეცნიერებისა და ინოვაციების საერთაშორისო ფესტივალის ფარგლებში საქართველოს სოფლის მეურნეობის სამეცნიერო კვლევითი ცენტრის წილკნის და ჯიღაურას ბაზებზე ასევე გაიმართაშემეცნებითი ტურები.

ღონისძიების ფარგლებში მოსწავლეებმა და სტუდენტებმა კვლევითი ცენტრის ლაბორატორიები დაათვალიერეს და სემინარები „ნიადაგი და კლიმატის ცვლილება“; „მყნობის ტექნოლოგიის გამოყენება ბოსტნეულ-ბაღჩეულ კულტურებში“, „თხილის ბაღის აგროტექნიკა“; „თუთა ჩვენი მეგობარი“მოისმინეს.

მეცნიერებისა და ინოვაციების საერთაშორისო ფესტივალი 24 სექტემბერს გაიხსნა და 8 ოქტომბრამდე გაგრძელდება.

მასში მონაწილეობას საქართველოს სახელმწიფო და კერძო უნივერსიტეტები, საქართველოს მეცნიერებათა ეროვნული და სოფლის მეურნეობის მეცნიერებათა აკადემია, სამეცნიერო-კვლევითი ცენტრი, საქართველოს ეროვნული მუზეუმი და ბიბლიოთეკები იღებენ.

(NS) 

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა