თავისუფალი და სამართლიანი არჩევნებისთვის უწყებათაშორისმა კომისიამ 2017 წლის 25 სექტემბრის სხდომაზე რეკომენდაცია გამოსცა.

ყოველგვარი, მათ შორის, სიტყვიერი ძალადობისაგან თავისუფალი წინასაარჩევნო გარემოს უზრუნველსაყოფად კომისია მოუწოდებს არჩევნებში მონაწილე პოლიტიკურ პარტიებსა და საარჩევნო სუბიექტებს, გასცენ მკაფიო მითითებები და არ დაუშვან მათი კანდიდატების თუ რიგითი წევრების მხრიდან სიტყვიერი და ფიზიკური აგრესია, ზეწოლა და სხვა სახის არაეთიკური ქმედებები ერთმანეთისა თუ სახელმწიფო ინსტიტუტებისა და მათი წარმომადგენლების მიმართ.  

რეკომენდაციის გამოცემის თხოვნით უწყებათაშორის კომისიას 25 სექტემბრის  სხდომაზე გიორგი გელაძემ მიმართა (წარმომადგენელი „ახალი თაობა დემოკრატიული − საქართველოსთვის"). კომისიისთვის მის მიერ გადაცემულ ვიდეომასალაში ჩანს, რომ „ახალი საქართველო − პოლიტიკური პლატფორმის" თავმჯდომარე გიორგი ვაშაძე მისი გუნდის წევრებთან ერთად შეიჭრა გლდანის მუნიციპალიტეტის გამგეობის შენობაში, სადაც გამგებელსა და გამგეობის თანამშრომლებს მიაყენეს სიტყვიერი შეურაცხყოფა.

გიორგი გელაძემ კომისიას სთხოვა, გამოცემულიყო რეკომენდაცია მსგავსი შემთხვევების თავიდან აცილების მიზნით. კომისიის წევრთა უმრავლესობამ გელაძის წინადადება გაიზიარა, რაც შესაბამის რეკომენდაციაში აისახა.

(NS)

ავტორი: ,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის