2017-08-17 21:28:56, 2274 ნახვა
საზოგადოება
პრეზიდენტი: ესპანეთში მომხდარი ტერორისტული აქტის გამო შეძრწუნებული ვარ
საქართველოს პრეზიდენტი გიორგი მარგველაშვილი ესპანეთში, ქალაქ ბარსელონაში მომხდარ ტერორისტულ აქტს გამოეხმაურა.
პრეზიდენტმა ესპანეთის ხელისუფლებას და დაღუპულთა ოჯახებს თანადგომა გამოუცხადა.
„შეძრწუნებული ვარ ესპანეთში, ბარსელონაში მომხდარი ტერორისტული აქტის გამო, რომელსაც უდანაშაულო ადამიანების სიცოცხლე ემსხვერპლა. ჩვენ, საერთაშორისო თანამეგობრობასთან ერთად ვაგრძელებთ ბრძოლას თანამედროვეობის ამ უდიდესი საფრთხის წინააღმდეგ.
ამ განსაცდელის ჟამს ქართველი ხალხისა და პირადად ჩემი სახელით, ვუსამძიმრებ დაღუპულთა ოჯახებს, მტკიცე თანადგომას ვუცხადებ ესპანეთის ხელისუფლებას და ხალხს“,-ნათქვამია პრეზიდენტის სამძიმრის განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
