რუსეთ-საქართველოს საზღვარზე მრავალკილომეტრიანი საცობი შეიქმნა, - ამის შესახებ რუსული მედია იუწყება.

მედია საშუალების ინფორმაციით, "ზედა ლარსის" საბაჟო გამშვებ პუნქტთან 500-ზე მეტი ავტომობილია გაჩერებული.

როგორც მედია წერს, ლოდინის დრო 6 საათს აჭარბებს. ამასთან, შექმნილ სიტუაციას კიდევ უფრო აუარესებს სიცხე, რის გამოც ათობით ადამიანს სამედიცინო დახმარება დასჭირდა.

მედიის ცნობით, "ზედა ლარსზე" მდებარე საბაჟო გამშვები პუნქტი 24-საათიან რეჟიმში მუშაობს და დღეში 500-ზე მეტ ავტომობილს ატარებს, თუმცა სააგენტოს ინფორმაციით, მგზავრთა დიდი ნაკადის ფონზე, საბაჟოზე საცობი უკვე რამდენიმე დღე გრძელდება.

საჭიროების შემთხვევაში, ადგილზე მობილიზებული არიან მედიკოსები და მაშველები. გარდა ამისა, გაძლიერებულია საპატრულო პოლიციის მუშაობა, იმისათვის, რომ მგზავრებმა რაიმე სახის ექსცესები თავიდან აიცილონ.

ცნობისთვის, მთავრობის დღევანდელ სხდომაზე პრემიერ-მინისტრმა გიორგი კვირიკაშვილმა შს და ჯანდაცვის სამინისტროებს დაავალა, ზემო ლარსზე რიგში მდგომი ადამიანები საჭირო სერვისებით უზრუნველყონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ