საქართველოს შინაგან საქმეთა სამინისტროს თანამშრომლები აშშ-ში, კალიფორნიის შტატის ქალაქ ლოს-ანჯელესში, „მსოფლიო პოლიციისა და სახანძრო სამსახურის სპორტული ოლიმპიადა 2017“-ში მონაწილეობის მისაღებად გაემგზავრნენ.

ოლიმპიადა 7 აგვისტოს ოფიციალურად გაიხსნა. მასში 80 ქვეყნიდან ათასობით მოქმედი და ყოფილი პოლიციელი და მეხანძრე-მაშველი სპორტის 70-მდე სახეობაში იასპარეზებს.

საქართველოს შსს-ს ნაკრები ოლიმპიადაზე 12 სპორტსმენით წარდგა, რომლებიც სპორტის 7 სახეობაში - ძიუდო, თავისუფალი ჭიდაობა, ძალოსნობა, კრივი და ცურვა -იასპარეზებენ. ოლიმპიადაში მონაწილე ქართველ პოლიციელებს შორის სპორტის სხვადასხვა სახეობაში საქართველოს, ევროპის და მსოფლიოს არაერთი ჩემპიონია.

საქართველოს შსს-ს თანამშრომლები „მსოფლიო პოლიციისა და სახანძრო სამსახურის სპორტული ოლიმპიადაში“ მეორედ მონაწილეობენ. 2013 წელს ირლანდიაში, ქალაქ ბელფასტში გამართულ „მსოფლიო პოლიციის და სახანძრო სამსახურის სპორტულ ოლიმპიადაზე“ ქართველ პოლიციელთა ნაკრებმა სპორტის სხვადასხვა სახეობაში 12 ოქროს, 3 ვერცხლის და 2 ბრინჯაოს მედალი მოიპოვა.

ოლიმპიადა 16 აგვისტოს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ