2017-08-01 17:33:52, 2695 ნახვა
საზოგადოება
იოსებიძის ქუჩაზე სკვერი მოეწყობა
საბურთალოს რაიონში ინფრასტრუქტურული პროექტების განხორციელება გრძელდება.
თბილისის მერიის ინფორმაციით, იოსებიძის ქ. N72-74 კორპუსებს შორის და კვირიკესა და ივლიტას ეკლესიის მიმდებარე ტერიტორიაზე სკვერის მოწყობა სრულდება.
მიმდინარე სამუშაოებს საბურთალოს რაიონის გამგებელი ბექა მიქაუტაძე და გამგებლის მოადგილე გაიოზ ვასაძე გაეცნენ.
პროექტის ფარგლებში, სკვერში ბავშვებისთვის სასრიალო, აიწონა-დაიწონა და საქანელა დამონტაჟდება.ძველი სკამები და სანაგვე ურნები უკვე ახლით შეიცვალა და დაიგო კაუჩუკის ახალი საფარი.
სამუშაოებს საბურთალოს რაიონის გამგეობის დაკვეთით შპს „ჯეო პარკი“ ახორციელებს.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
