შეფასებისა და გამოცდების ეროვნული ცენტრის დირექტორის მაია მიმინოშვილის ინფორმაციით, ერთიან ეროვნულ გამოცდებზე ამ ეტაპისთვის სერიოზული დარღვევები არ გამოვლენილა.

მიმინოშვილის თქმით, აბიტურიენტთა რეგისტრაცია ზუსტად 8:00 საათზე დაიწყო. მისივე განმარტებით, რამდენიმე აბიტურიენტი, რომელიც მეორე ნაკადში იყო განაწილებული, შეცდომით დილით გამოცხადდა, თუმცა მათ პრობლემები გამოცდაზე გასვლასთან დაკავშირებით, არ შეექმნებათ. ამასთან, შეფასებისა და გამოცდების ცენტრის დირექტორის ინფორმაციით, აბიტურიენტებს შორის 18 მსჯავრდებულია. მსჯავდებულებს შორის კი  ერთი გოგონაა.

„8:00 საათზე ტრადიციულად დაიწყო რეგისტრაცია პირველი ნაკადისთვის და ზუსტად 9:00 საათზე დასრულდა რეგისტრაციის პროცესი და 9:00 საათზე უკვე ყველა აბიტურიენტი ერთდროულად დაიწყებს მუშაობას ტესტურ დავალებებზე. პირველ ნაკადში 9 000-მდე აბიტურიენტი იღებს მონაწილეობას, მეორე ნაკადზეც ველოდებით იგივე რაოდენობას და რეგისტრაცია დაიწყება 14:00 საათზე. რამდენიმე აბიტურიენტი იყო, რომელსაც ნაკადი აერია და საბედნიეროდ პირველი ნაკადია დღეს და აქედან გამომდინარე, პრობლემა არ შეექმნებათ, მეორე ნაკადზე იყვნენ განაწილებულები და მოვლენ ჩვეულებრივად“,-აღნიშნა მიმინოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს