„ქართული ოცნების“ ცენტრალურ ოფისთან „ბავშვთა სამყაროს“ დაზარალებული მოვაჭრეები აქციას მართავენ.

პარტიის ოფისის მიმდებარე ტერიტორიაზე 50-მდე ადამიანია შეკრებილი. ისინი ხელისუფლებისგან ზარალის ანაზღაურებას ითხოვენ.

როგორც აქციის მონაწილეები აცხადებენ, მმართველი გუნდი მათ მხოლოდ „ხმების მოსაპოვებლად იყენებს“.

„როდესაც ხმები გჭირდებათ, მხოლოდ მაშინ გახსენდებით, დადიხართ და მათხოვრობთ. სხვა შემთხვევაში ხალხის ბედი არ გაინტერესებთ. ჩვენ ვითხოვთ ზარალის ანაზღაურებას. არც იმას დავუშვებთ, რომ ქალაქის მერად კახი კალაძე დაინიშნოს. როდესაც ის ვიცე-პრემიერის პოსტს იკავებდა, არც ერთხელ არ იკადრა და არ მოვიდა ჩვენთან შესახვედრად“, - აცხადებენ აქციის მონაწილეები.

აქცია შეძახილების ფონზე მიმდინარეობს - „რა დაგიშავეთ“, „გამოდით ჩვენთან შესახვედრად“.

გარდა ამისა, აქციის მონაწილეები მთაწმინდაზე, კახი კალაძის ოფიციალურ წარდგენაზე მისვლას აპირებენ, რომელიც საღამოს 8 საათზეა დაგეგმილი.

ცნობისთვის, პარტიის ოფისში პოლიტსაბჭოს სხდომაა დაგეგმილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს