„როდესაც ვუსმენ უმრავლესობას არ შემიძლია არ გავიხსენო წინა საუკუნის გადაცემები „ვრემია“ და „მოამბე“, იქ საუბარი იყო იმაზე, რომ რა კარგად მიდის ცხოვრება“, - ამის შესახებ „ევროპული საქართველოს“ ერთ-ერთმა ლიდერმა სერგო რატიანმა პარლამენტის პლენარულ სხდომაზე განაცხადა.

„დიდი სიამოვნებით ვითამაშებდი საღამოს ფეხბურთს და სხვა სპორტითაც გავერთობოდი, მაგრამ გაცილებით სერიოზული პრობლემებია ქვეყენაში. როდესაც ვუსმენ უმრავლესობის გამოსვლებს, არ შემიძლია, არ გავიხსენო წინა საუკუნის 50-იანი 70-იანი წლების საბჭოთა გადაცემები, „ვრემია, „მოამბე“. იქ იყო საუბარი იმაზე, რომ რა კარგად მიდის ცხოვრება.  წინა საუკუნის საბჭოთა კავშირის გენერალურმა მდივანმა ხრუშოვმა გამოაცხადა, რომ  10 წლის შემდეგ ჩვენ შევალთ კომუნიზმშიო და ასეთი სულისკვეთება არის დარბაზში“,-განაცხადა სერგო რატიანმა.

საპარლამენტო უმცირესობის დეპუტატმა თავის გამოსვლაში საკონსტიტუციო ცვლილებებზე ისაუბრა. როგორც რატიანმა აღნიშნა, „ქართულმა ოცნებამ“ ქართველი ამომრჩეველი მოატყუა.

„ბოლო თვეების განმავლობაში თქვენ ამტკიცებდით, რომ ცვლიდით კონსტიტუციაში ფუნდამენტურ საკითხს არჩევნების სისტემასთან დაკავშირებით, ამას მოითხოვდა სხვათა შორის მთელი პოლიტიკური სპექტრი, ასევე არასამთავრობო ორგანიზაციები და ასევე საერთაშორისო საზოგადოება. მეგობრებო თქვენ დადიოდით ქალაქ-ქალაქ და თქვენ ამომრჩეველს  ეუბნებოდით, რომ ცვლით სისტემას, რომ შერეული სისტემა არის ნაკლებად დემოკრატიული.  ამბობდით, რომ მას აქვს ავტორიტარიზმისკენ სერიოზული საფუძვლებს ჰქმნის  და შემდეგ თქვენ უბრალოდ ბოლო დღეებში შეცვალეთ  ყველაფერი და ისევ დაუბრუნდით ძველ არსებულ სისტემას. რეალურად თქვენ მოატყუეთ ქართველი ამომრჩეველი და თქვენ მოატყუეთ თქვენი ამომრჩეველი.  თქვენ გაქვთ რეპუტაციის  და ნდობის პრობლემა ამის შემდეგ. ასევე თქვენ ართმევთ ქართველ ხალხს უფლებას, თვითონ აირჩიონ პირდაპირი არჩევნების წესით პრეზიდენტი. გამოიკითხეთ საზოგადოების აზრი, იმიტომ, რომ ეს ცვლილებები შეცვლის და განსაზღვრავს  შემდეგ უახლოეს ისტორიას. ხალხის უკითხავად ამის გაკეთება, უბრალოდ არ არის არც დემოკრატიული და არც ნორმალური. თქვენ წააგებთ არჩევნებს“,-განაცხადა სერგო რატიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ