აფხაზეთის სიმღერისა და ცეკვის სახელმწიფო ანსამბლმა (სამხატვრო ხელმძღვანელი ლევან ღვინჯილია), დასავლეთ საქართველოში დაარსებიდან 40 წლის იუბილესთან დაკავშირებით კონცერტები ბათუმსა და ფოთში გამართა.

დამსწრე საზოგადოების წინაშე ანსამბლმა ქართულ-აფხაზური ფოლკლორის საუკეთესო ნიმუშები წარადგინა. ისმოდა ქართულ-აფხაზური უძველესი სიმღერებიც. ღონისძიებაში მონაწილეობდა აფხაზეთის ავტონომიური რესპუბლიკის განათლებისა და კულტურის მინისტრი, საქართველოს სახალხო არტისტი დიმიტრი ჯაიანი. საზოგადოებამ იხილა ქორეოგრაფიის თითქმის მივიწყებული ნომრები და მაღალი შეფასება მისცა სახელმწიფო ანსამბლის შემოქმედებას.

ღონისძიებებს ესწრებოდნენ: აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აჭარის ავტონომიური რესპუბლიკისა და ქალაქ ფოთის ხელისუფლების წარმომადგენლები, აჭარის მუსიკალური საზოგადოების დიდი ნაწილი, ფერიის სკოლის პედაგოგები, „ქართულ-აფხაზური საგას“ ხელმძღვანელები, ქალთა საერთაშორისო ორგანიზაცია - „სოროპტიმისტ ინტერნაციონალის“ ბათუმის კლუბის წევრები, აჭარაში მცხოვრები აფხაზების შთამომავლები, აფხაზეთიდან იძულებით გადაადგილებული პირები და ადგილობრივი საზოგადოების წარმომადგენლები.

26 ივნისს  სიმღერისა და ცეკვის სახელმწიფო ანსამბლი ქალაქ ზუგდიდს  ესტუმრება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს