ჯგუფ Birja Mafia-ს წევრის მიხეილ მგალობლიშვილის ადვოკატებმა მათი დაცვის ქვეშ მყოფის მიმართ, აღკვეთის ღონისძიებად შეფარდებული პატიმრობა სააპელაციო წესით გაასაჩივრეს.

როგორც ადვოკატებმა განაცხადა, რეალურად დანაშაული არ არსებობს და მათი კლიენტი იმ კლიპის გამო დააკავეს, რომელშიც მგალობლიშვილმა პოლიციელები გააშარჟა. 

ადვოკატების განმარტებით, მანამდე მგალობლიშვილზე ზეწოლა ხდებოდა, რომ აღნიშნული ვიდეოკლიპი სოციალურ ქსელში არ გავრცელებულიყო.

„თუ კი პოლიციელების გაშარჟება დასჯადია, რეპერი 2 PAC ამერიკაში მინიმუმ ორჯერ უნდა დაეხვრიტათ“, - განაცხადა ერთ-ერთმა ადვოკატმა კახა ცნობილაძემ.

ამასთან, კიდევ ერთი ადვოკატის ქართლოს ვაშაკიძის თქმით, საქმეში წინასწარი პატიმრობის საფუძვლები არ არსებობს. უფლებადამცველის განცხადებით, მისი დაცვის ქვეშ მყოფს სუფთა წარსული აქვს და შესაბამისად, მისი პატიმრობა გაუმართლებელია. 

შეგახსენებთ, რომ საქართველოს შინაგან საქმეთა სამინისტროს წარმომადგენლებმა ქართული რეპ-ჯგუფის Birja Mafia-ს წევრები დააკავეს. დაკავების მიზეზად უწყებაში ჯგუფის წევრებისგან ნარკოტიკული საშუალება MDMA-ს ამოღებას ასახელებენ. ჯგუფ Birja Mafia-ს წევრს მიხეილ მგალობლიშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა