საქართველოს პარლამენტის თავმჯდომარის განცხადებით, პრეზიდენტის მხრიდან საკანონმდებლო ორგანოზე, კომისიაზე საბოთაჯი არ წყდება.

როგორც კობახიძემ იურიდიულ საკითხთა კომიტეტის სხდომაზე სიტყვით გამოსვლისას აღნიშნა, პრეზიდენტის მხრიდან ისმის პირდაპირი ტყუილი ვენეციის კომისიის წინასწარ დასკვნასთან დაკავშირებით.

„გვქონდა ინფორმაცია იმის თაობაზე, რომ გაეგზავნა საქართველოს პრეზიდენტს შესაბამისი დოკუმენტი ვენეციის კომისიის მხრიდან და ამასთან დაკავშირებით გვაქვს დამადასტურებელი შესაბამისი დოკუმენტი. გარდა ამისა, როდესაც ფიქრია ჩიხრაძემ დაიწყო თავისი პრესკონფერენცია კონსტიტუციასთან დაკავშირებით, მისი პირველი სიტყვა იყო გავეცანით ვენეციის კომისიის პირველად დოკუმენტს. ეს თვითონ მან ბრძანა და დაადასტურა, რომ ჰქონდა დოკუმენტი მიღებული, გაეცნო ამ დოკუმენტს და ამის საფუძველზე ჩაატარა ბრიფინგი. ჩვენ დღეს მოვისმინეთ პირდაპირი ტყუილი. ამაში ქალბატონ ანას ვერ დავადანაშაულებ, როცა საუბრობს საპარლამენტო მდივანი, საუბრობს არა ქალბატონი ანა, არამედ პრეზიდენტი. ძალიან სამწუხაროა, რომ საქართველოს პრეზიდენტის მხრიდან ასეთ რამეებს ვისმენთ ხოლმე, ძალიან დამღლელია ყველაფერი, რაც ხდება საქართველოს პრეზიდენტის მხრიდან. ამასთან დაკავშირებით დამატებითი კომენტარების კეთება აღარ არის ხოლმე სწორი, გამომდინარე იქიდან, რომ არ წყდება ტყუილები, არ წყდება შეტევა პარლამენტზე, კომისიაზე, არ წყდება საბოტაჟი საქართველოს პრეზიდენტის მხრიდან. ჩვენ დიდი იმედი გვაქვს, რომ პრეზიდენტი გაიაზრებს იმ მდგომარეობას, რომელშიც ის ჩავარდა. არ დაესწრო კომისიის სხდომებს, დაიწყო შეტევა კომისიაზე და ახლა აღმოჩნდა მძიმე მდგომარეობაში, რადგან მომზადდა დოკუმენტი, რომელიც არის სრულად შესაბამისობაში სამართლებრივ პრინციპებთან და აყალიბებს ნამდვილად დახვეწილ საპარლამენტო მმართველობის ფორმის სისტემას", - განაცხადა ირაკლი კობახიძემ. 

თავმჯდომარის ინფორმაციით, საქართველოს პრეზიდენტი ოთხი თვის განმავლობაში საკონსტიტუციო კომისიის არც ერთ სხდომას არ დასწრებია და მონაწილეობა არ მიუღია. 

"როდესაც საქართველოს პრეზიდენტი 4 თვის განმავლობაში არ ჩაერთო კომისიის მუშაობაში, რა მორალური უფლება აქვს საქართველოს პრეზიდენტს იმ ფორმით გვესაუბროს კონსენსუსზე, როდესაც ის ოთხი თვის განმავლობაში არ მონაწილეობდა კომისიის მუშაობაში. მოგვიწოდებენ, რომ არ ვიჩქაროთ, რა მორალური უფლება აქვს საქართველოს პრეზიდენტს მოგვიწოდოს დროსთან დაკავშირებით მოქმედებაზე, როდესაც ის ოთხი თვის განმავლობაში არც ერთ სხდომას არ დაესწრო“, - განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა