,,ვთვლით, რომ ამ ყველაფერში აუცილებლად უნდა ჩაერთოს პარლამენტი, სხვა მხრივ ობიექტური ჭეშმარიტების დადგენა ნამდვილად ვერ მოხდება’’, - ამის შესახებ „მოძრაობა თავისუფლებისთვის - ევროპული საქართველოს“ წევრმა ირმა ნადირაშვილმა გენერალურ აუდიტორ ლაშა თორდიაზე მომხდარ თავდასხმასთან დაკავშირებით დღეს გამართულ პრესკონფერენციაზე განაცხადა.

მისი თქმით, დღევანდელ ბიუროზე საპარლამენტო უმცირესობაში შემავალი ფრაქციები საგამოძიებო კომისიის შექმნის საკითხს დააყენებენ.

,,ყველასთვის ცნობილია ევროპული საქართველოს ინიციატივის შესახებ შეიქმნას პარლამენტში დროებითი საგამოძიებო კომისია. ჩვენ უკვე შევიტანეთ ინიციატივა ამის თაობაზე პარლამენტში და დღეს ბიუროზე უმცირესობაში შემავალი ფრაქციები დავაყენებთ საკითხს, რომ უახლოეს პლენარული სხდომის დღის წესრიგში ჩაჯდეს ამ კომისიის შექმნის საკითხი. საქმე ეხება გახმაურებულ ფაქტს, როდესაც ყოფილმა გენერალურმა პროკურორმა თანმხლებ პირებთან ერთად სცემა გენერალური აუდიტი. როგორც წესი, ესეთ საქმეს უნდა იძიებდეს პროკურატურა, მაგრამ ევროპულ საქართველოს და საზოგადოებას არ გააჩნია ნდობა ამ პროკურატურის მიმართ. ისეთ ვითარებაში, როდესაც ბატონი ფარცხალაძე არის პროკურატურის არაფორმალური მმართველი, როდესაც შსს სახლში სტუმრობს მეგობრული ვიზიტებით ყოფილ გენერალურ პროკურორს, როდესაც ხელისუფლების ყველა შტო ჩართულია მისი ქმედებების გამართლებაში, ევროპული საქართველო თვლის, რომ ობიექტური გამოძიება პროკურატურის მხრიდან არ მოხდება და ამიტომ ეს საქმე სწორედ უნდა გამოიძიოს პარლამენტის დროებითმა საგამოძიებო კომისიამ“, - განაცხადა ირმა ნადირაშვილმა.  

შეგახსენებთ, სახელმწიფო აუდიტის სამსახურის ხელმძღვანელს ფიზიკური შეურაცხყოფა 12 მაისს მიაყენეს. შემთხვევა თბილისში, შარდენის ქუჩაზე მდებარე ერთ-ერთ ღამის კლუბში მოხდა.

თორდიას განცხადებით, მას ყოფილი მთავარი პროკურორი ოთარ ფარცხალაძე და მასთან ერთად მყოფი რამდენიმე პირი დაესხა თავს.

შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლის პირველი ნაწილით დაიწყო, რაც ძალადობას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა