სახელმწიფო აუდიტის სამსახურის ხელმძრვანელის ლაშა თორდიას პირველი მოადგილე ნინო ლომჯარია, გენერალურ აუდიტორზე თავდასხმის ფაქტს ამერიკიდან ეხმაურება.

როგორც ლომჯარია „ფეისბუქის“ გვერდზე წერს, დღეს აუდიტორები თავიანთი საქმიანობის დროს დამოუკიდებლები არიან როგორც გარე ჩარევებისგან, ასევე, გენერალური აუდიტორის მითითებებისა და "შეკვეთებისგან".

მისივე თქმით,  სახელმწიფო აუდიტის დასკვნები და მიგნებები ეფუძნება მხოლოდ აუდიტორების მიუკერძებელ და ობიექტურ დაკვირვებას, გენერალური აუდიტორი კი არის გარანტი აუდიტორების დამოუკიდებელი, კვალიფიციური და მიუკერძებელი საქმიანობის. 

ლომჯარიას მტკიცებით, თავდასხმის მიუხედავად, ყველაფერი ძველებურად გაგრძელდება და არც ერთი აუდიტორი არ იფიქრებს, რომ არსებობს თემები, ან პიროვნებები, რომლებსაც არ შეიძლება შეეხო.

„დღეს ამერიკაში ჩამოვედი, საჯარო ფინანსების მენეჯმენტის საერთაშორისო კონსორციუმზე საქართველოს აუდიტის სამსახურის ახალი ვებ-გვერდი, "ბიუჯეტის მონიტორი" უნდა წარვადგინო, როგორც ინოვაციური და მსოფლიოში უნიკალური ელექტრონული კომუნიკაციის პლატფორმა საჯარო ფინანსების გამჭვირვალობისა და კორუფციის წინააღმდეგ ბრძოლაში. ჩამოსვლისას გავიგე გენერალურ აუდიტორზე თავდასხმის ფაქტის შესახებ, რომელიც სახელმწიფო აუდიტის სამსახურის საქმიანობას უკავშირდება. სანამ გამოძიების კონტურები გამოიკვეთება, უპირველეს ყოვლისა, მინდა ვთქვა, რომ დღეს აუდიტორები თავიანთი საქმიანობის დროს დამოუკიდებლები არიან როგორც გარე ჩარევებისგან, ასევე, გენერალური აუდიტორის მითითებებისა და "შეკვეთებისგან". სახელმწიფო აუდიტის დასკვნები და მიგნებები ეფუძნება მხოლოდ აუდიტორების მიუკერძებელ და ობიექტურ დაკვირვებას. გენერალური აუდიტორი კი არის გარანტი აუდიტორების დამოუკიდებელი, კვალიფიციური და მიუკერძებელი საქმიანობის. მინდა ვთქვა, რომ თავდასხმის მიუხედავად ყველაფერი ძველებურად გაგრძელდება და არც ერთი აუდიტორი არ იფიქრებს, რომ არსებობს თემები, ან პიროვნებები, რომლებსაც არ შეიძლება შეეხო“,-წერს ნინო ლომჯარია.

ამავე თემაზე

ლაშა თორდიას განცხადებით, მას თავს ყოფილი მთავარი პროკურორი, ოთარ ფარცხალაძე დაესხა

http://www.epn.ge/index.php?id=45249

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა