ზაფხულში, სარეაბილიტაციო სამუშაოების მიზნით, პეკინის ქუჩის სრულად გადაკეტვა არ იგეგმება.

ამის შესახებ „ექსპრესნიუსს“ თბილისის მერიის ტრანსპორტის საქალაქო სამსახურში განუცხადეს.

„პეკინის ქუჩის სრულად გადაკეტვა არ იგეგმება რამდენადაც ჩვენ ამ წუთას გვაქვს ინფორმაცია. იგეგმება ასე ვთქვათ, ჯერ ერთი ნახევრის, მერე მეორე ნახევრის გზის გადაკეტვა.  შესაბამისად, მუნიციპალური ტრანსპორტის მარშრუტის დროებით შეცვლა არ მოხდება. იმ პერიოდში სანამ იქნება სარეაბილიტაციო სამუშაოები, პეკინის ქუჩაზე მიკროავტობუსები, ავტობუსები ჩვეულებრივი მარშრუტებით იმოძრავებენ. ქუჩაზე პარკირება დროებით გაუქმდება“, - აცხადებენ  მერიის სატრანსპორტო სამსახურში.

ცნობისთვის,  თბილისის მერის მოადგილემ ირაკლი ლექვინაძემ განაცხადა, რომ ერთ-ერთი მსხვილი პროექტი, რომელიც წელს დედაქალაქის მთავრობას აქვს დაგეგმილი პეკინის ქუჩის რეაბილიტაციაა. გზის საფარის რეაბილიტაციის სამუშაოები, საცობების განმუხტვისა და საგზაო უსაფრთხოების უზრუნველყოფის მიზნით დაგეგმილი ღონისძიებების ფარგლებში განხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen