საქართველოს აგრარული უნივერსიტეტის კულინარიის აკადემიამ USAID-ის პროგრამა REAP-თან ერთად  კულინარიულ კონკურსს უმასპინძლა.

სოფლის მეურნეობის სამინისტროს ინფორმაციით, ღონისძიება აშშ-ისა და საქართველოს პარტნიორობის 25 წლისადმი მიძღვნილი იუბილეს ფარგლებში გაიმართა და  მიზნად ისახავდა ქართული აგროპროდუქციის წარმოების ხელშეწყობას, ასევე აშშ-ისა და საქართველოს მთავრობების მხარდაჭერის დემონსტრირებას.

კონკურსში მონაწილეობა საქართველოს სოფლის მეურნეობის მინისტრის მოადგილემ, გიორგი ჩხეიძემ,     საქართველოში აშშ-ის ელჩის მოადგილემ, ნიკოლას ბერლინერმა და USAID-ის მისიის დირექტორმა დაგლას ბოლიმ  მიიღეს.  საკონკურსო კერძების დასამზადებლად მონაწილეებმა სოფლის მეურნეობის სამინისტროს, USAID REAP-ის და  სოფლის მეურნეობის პროექტების მართვის სააგენტოს (APMA) ბენეფიციარების მიერ საქართველოში წარმოებული პროდუქცია გამოიყენეს.  აღსანიშნავია, რომ კონკურსზე გამოყენებულ ყველა პროდუქტს მიღებული აქვს ხარისხის დამადასტურებელი სერთიფიკატი, რაც პროდუქციის ევროკავშირში გატანისთვის მნიშვნელოვანი წინ გადადგმული ნაბიჯია. კულინარიული კონკურსის მონაწილეებს დახმარებას  კულინარიის აკადემიის სტუდენტები უწევდნენ.

მომზადებული კერძები შეაფასა სპეციალურმა ჟიურიმ, რომლის შემადგენლობაში    სოფლის მეურნეობის მინისტრი ლევან დავითაშვილი, ქართველი შეფ-მზარეული მერიკო გუბელაძე, ,,ცოდნის ფონდის“  დირექტორი ანასტასია ბენდუქიძე და  მსახიობი ბახვა ბრეგვაძე შედიოდნენ.  ჟიურის გადაწყვეტილებით,  ყველაზე საინტერესო და გემრიელი კერძის მომზადებისთვის სოფლის მეურნეობის მინისტრის მოადგილე გიორგი ჩხეიძე დაჯილდოვდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს