საბერძნეთის ქალაქ სალონიკში საქართველოს მოქალაქის ცხედარი იპოვეს, - ამის შესახებ ბერძნული მედია იუწყება.

მედია საშუალების ინფორმაციით, 36 წლის ქალბატონი ადგილობრივმა სამართალდამცველებმა მდინარეში იპოვეს.

როგორც ბერძნული მედია წერს, საქართველოს მოქალაქე საბერძნეთში ოჯახთან, მეუღლესთან და 3 შვილთან ერთად ცხოვრობდა. ის სალონიკის ადგილობრივ საავადმყოფო "ჰიპოკრატეში" ოპერაციას იტარებდა. 27 მაისს ქალბატონი გაუჩინარდა და მეუღლემ აღნიშნულთან დაკავშირებით სამართალდამცველებს მიმართა.

გავრცელებული ინფორმაციით, საქართველოს მოქალაქის მკვლელობაში მისი ქირურგია ეჭვმიტანილი. ის დღეს დილით დააკავეს.  

მედიის ცნობით, ქალბატონის ცხედარი ღამის საათებში საავადმყოფოდან გაიტანეს და შემდეგ მდინარეში ჩააგდეს. სამართალდამცველებმა შესაბამისი ვიდეო ჩანაწერი საავადმყოფოს კამერებიდან ამოიღეს. 

როგორც "ექსპრესნიუსს" საქართველოს საგარეო საქმეთა სამინისტროში განუცხადეს, მომხდართან დაკავშირებით საბერძნეთში საქართველოს გენერალური საკონსულო ინფორმირებულია.

"ოჯახს საკონსულოსთვის არ მიუმართავს. თუმცა, მომხდართან დაკავშირებით საბერძნეთში საქართველოს გენერალური საკონსულო ინფორმირებულია და ინფორმაციის მიღების მიზნით სამართალდამცავ ორგანოებს უკვე მიმართა. აღნიშნულ ფაქტთან დაკავშირებით 1 პირია დაკავებული", - აცხადებენ საგარეო უწყებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს