გლობალური მრავალპროფილური კომპანია „3M“, რომელიც მსოფლიო მასშტაბით ენერგეტიკის, მრეწველობის, ჯანდაცვის, ელექტრონიკის და უსაფრთხოების მიმართულებით საქმიანობს, საქართველოში სხვადასხვა სექტორში არსებული შესაძლებლობებით და ბიზნეს კლიმატით დაინტერესდა.

ამის შესახებ საქართველოს საგარეო საქმეთა მინისტრ მიხეილ ჯანელიძისა და რეგიონალურ დირექტორის შეხვედრის შემდეგ გახდა ცნობილი.

„საერთაშორისო მასშტაბით გლობალური კომპანიების საქართველოსადმი არსებული დიდი ინტერესი საქართველოს მთავრობის წარმატებული რეფორმების, რეგიონში და ამერიკის შეერთებულ შტატებთან წარმატებული პარტნიორობის  შედეგია და ჩვენ მზად ვართ მაქსიმალურად შევუწყოთ ხელი პროცესს, რომელიც საქართველოს რეგიონალურ ჰაბად აქცევს და მოიზიდავს ისეთ საერთაშორისო კომპანიებს, როგორსაც წარმოადგენს „3M", რომელიც საქართველოში საინვესტიციო შესაძლებლობებით არის დაინტერესებული", - განაცხადა მინისტრმა შეხვედრის დასრულებისას.

 კომპანია  „3M"  ევროპისა და ახლო აღმოსავლეთის რეგიონში 70-მდე ქვეყანაში შვილობილ კომპანიას და 38 ქვეყანაში საწარმოს ფლობს.  კომპანიას, რომლის გაყიდვებმაც 2015 წელს 32 მილიარდი შეადგინა, მსოფლიო მასშტაბით 90 000 -მდე ადამიანი ჰყავს დასაქმებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უსიკი ტრამპს თეთრ სახლში შეხვდა

დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს

ევროპის საბჭოს მინისტრთა კომიტეტი საქართველოს ხელისუფლებას კანონმდებლობის გადახედვისკენ მოუწოდებს

შსს პოლიციელების მიერ ჩადენილ ძალადობის ფაქტებს ადასტურებს