საქართველოს ტერიტორიაზე რუსი ბაიკერები არ შემოუშვეს, - ამის შესახებ Auto.mail.ru რამდენიმე მოტოციკლისტზე დაყრდნობით იუწყება.

როგორც ბაიკერები აცხადებენ, ისინი 2 მაისს ზემო ლარსის გამშვებ პუნქტიდან აპირებდნენ საქართველოში შესვლას, თუმცა მათ უარი უთხრეს. გარდა ამისა, ბაიკერების თქმით, ქვეყანაში შესვლაზე უარის მოტივი მათთვის არ უთქვამთ.

რუსული მედია მათ მიერ მიწოდებულ ფოტოსაც ავრცელებს, სადაც პასპორტში ქვეყანაში შეშვებაზე უარის დამადასტურებელი ბეჭედიცაა დაფიქსირებული.

მოტოციკლისტების ინფორმაციით, მსგავსი პრობლემა დაახლოებით 50 ბაიკერს შეექმნა და მათი ვარაუდით, ასეთი შეზღუდვა შეიძლება მაისის ბოლომდე გაგრძელდეს.

მედია საშუალების ინფორმაციით, ბაიკერები, რომლებიც საქართველოში არ შემოუშვეს "ღამის მგლების" წევრები არ არიან.

რუსული მედია ვარაუდობს, რომ ეს შეზღუდვა მეორე მსოფლიო ომში გამარჯვების აღსანიშნავად, მოტოკლუბ „ღამის მგლების“ საქართველოში დაგეგმილ მოგზაურობას უკავშირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს