სოფლის მეურნეობის მინისტრის მოადგილე იური ნოზაძე და სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურიძე, ღვინის ეროვნული სააგენტოს წარმომადგენლებთან ერთად, ყირგიზეთის დელეგაციის წევრებს შეხვდნენ.

სოფლის მეურნეობის პრესსამსახურის ინფორმაციით, დელეგაციის შემადგელობაში ალკოჰოლური პროდუქციის ექსპორტ-იმპორტის და ალკოჰოლური პროდუქციის წარმოების ასოციაციის პრეზიდენტები და კერძო კოპმანიების წარმომადგენლები არიან.

მათივე ინფორმაციით, შეხვედრაზე მხარეებმა ორ ქვეყანას შორის მეღვინეობა-მევენახეობის კუთხით თანამშრომლობის პერსპექტივებზე იმსჯელეს.

 სოფლის მეურნეობის მინისტრის მოადგილემ, იური ნოზაძემ ყირგიზეთის დელეგაციის წარმომადგენლებს საქართველოში მეღვინეობა-მევენახეობის მიმართულებით სახელმწიფოს მიერ განხორციელებული და დაგეგმილი ღონისძიებები გააცნო.

როგორც მინისტრის მოადგილემ აღნიშნა, საქართველო მევენახეობა-მეღვინეობის ერთ-ერთი უძველესიკერაა და, ბუნებრივია, რომ სოფლის მეურნეობის ამ დარგს სახელმწიფოს მხრიდან განსაკუთრებული ყურადღება ექცევა.

ყირგიზეთის დელეგაციის წევრები ვაზის გაშენების, ასევე, ქართული ღვინისა და კონიაკის სპირტის წარმოების საკითხებით დაინტერესდნენ. ქართულმა მხარემ შეხვედრაზე ქართული ღვინის საექსპორტო პოტენციალზე და ბაზრების დივერსიფიკაციაზე გაამახვილა ყურადღება.

ვიზიტის ფარგლებში, ყირგიზეთის დელეგაციის წევრებმა ღვინის ეროვნულ სააგენტოში ღვინის მუზეუმი და მარანი დაათვალიერეს, სამეცნიერო-კვლევითი ცენტრის ჯიღაურას ბაზა მოინახულეს და ქართული ღვინის კომპანიებს ესტუმრნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს