კრწანისის რაიონში 300 არაგველის სახელობის  სკვერში რეაბილიტაციის პირველი ეტაპი სრულდება. მიმდინარე სამუშაოები თბილისის მერის მოადგილე გიგა ნიკოლეიშვილმა კრწანისის გამგებელ გიორგი კოპალეიშვილთან ერთად დაათვალიერა. 

ამ დროისთვის ბაღში სარწყავი სისტემის აღდგენა, ქვაფენილის მოწყობა და აგროტექნიკური ღონისძიებები მიმდინარეობს. სკვერის  შესასვლელებში დასრულებულია ხის პერგოლებისა და კიბის მშენებლობა, მოეწყო ახალი ბილიკები, რომელიც ქართული აგურით მოპირკეთდა, შეიცვალა განათების ქსელი.

რეაბილიტაციის მეორე ეტაპი მაისში დაიწყება. 

თბილისის მერის მოადგილე გიგა ნიკოლეიშვილმა სკვერში უკვე განხორციელებულ და მიმდინარე სამუშაოების მნიშვნელობაზე ისაუბრა. მისივე თქმით, რეაბილიტაციის  მეორე ეტაპი მაისში დაიწყება და წლის ბოლომდე დასრულდება. 

აღსანიშნავია, რომ 2015 წელს, კრწანისის გამგეობის დაფინანსებით, განხორციელდა ბაღის ისტორიული გალავნის ბურჯების კონსერვაცია.

300 არაგველის ბაღი კრწანისის ბრძოლის ადგილზე გასული საუკუნის 30-იან წლებში გაშენდა, 50-იან წლებში კი  განახლდა. თუმცა,  მსგავსი მასშტაბის  სარეაბილიტაციო სამუშაოები, ამ ტერიტორიაზე, დღემდე არ ჩატარებულა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს