თბილისში წიგნის საერთაშორისო დღის აღნიშვნის ახალი ტრადიცია დაინერგა. წელს პირველად,  წიგნის დღე ქართველ მწერალთა და საზოგადო მოღვაწეთა მთაწმინდის პანთეონში აღინიშნა, სადაც თანამედროვე ქართველმა მწერლებმა პანთეონში დაკრძალულ ავტორებსა და მათ წიგნებზე ისაუბრეს. 

წიგნის დღისადმი მიძღვნილი საღამოს ორგანიზატორები არიან თბილისის მერია, თბილისის სატრანსპორტო კომპანია, ელექტრონული წიგნების სახლი „საბა“, გამომცემლობები „არტანუჯი“ და „ინტელექტი. ღონისძიებას თბილისის მერის მოადგილე ნინა ხატისკაცი დაესწრო. 
 „დღეს ძალიან განსხვავებული და საინტერესო დღე არის მთაწმინდის პანთეონში, სადაც ყველასთვის ცნობილი ქართველი  მწერლები საუბრობენ პანთეონში განსვენებული ცნობილი  ადამიანების შემოქმედებაზე. ეს არის ძალიან კარგი გზა იმისთვის, რომ, ერთი მხრივ, ამოვიდეთ პანთეონში და თბილისს ზემოდან გადავხედოთ და, მეორე მხრივ, ვისაუბროთ იმ თემებზე, რომელიც ჩვენთვის  ძალიან საინტერესო და ახლობელია“, - განაცხადა ნინა ხატისკაცმა. 

წიგნის დღისადმი მიძღვნილი  ღონისძიება  რატი ამაღლობელის მიერ  გალაკტიონზე საუბრით დაიწყო და ეთერ თათარაიძის ვაჟა-ფშაველაზე წაკითხული ლექციით დასრულდა. ლევან ბერძენიშვილმა და დავით ტურაშვილმა მიხეილ ჯავახიშვილისა და ბაჩანა ბრეგვაძის შემოქმედებაზე ისაუბრეს.   აკაკი წერეთლისა და ნიკოლოზ ბარათაშვილის შესახებ  ლექციები კი    გიორგი კეკელიძემ და სანდრო ლორთქიფანიძემ  წაიკითხეს. 

ლექციების პარალელურად, მთაწმინდის პანთეონის ტერიტორიაზე სპეციალური ფასდაკლებით წიგნების გამოფენა-გაყიდვა გაიმართა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს