|
2017-03-22 18:34:19, 1381 ნახვა
საზოგადოება
ცნობილ მხატვარ ოლეგ ტიმჩენკოს საზოგადოება „თბილისელისა“ და ხელოვანების დახმარებით გულის ოპერაცია ჩაუტარდა
ცნობილ მხატვარ ოლეგ ტიმჩენკოს საზოგადოება „თბილისელისა“ და ხელოვანების დახმარებით გულის ოპერაცია ჩაუტარდა. ოპერაციისთვის საჭირო თანხა საქველმოქმედო აუქციონით შეგროვდა. ხელოვანებმა თანადგომა რამდენიმე თვის წინ, შემოქმედებით გამოხატეს. საქართველოსა და მის ფარგლებს გარეთ მოღვაწე 150-ზე მეტი მხატვრის ნამუშევრები ხუთი გალერეის და საქველმოქმედო საზოგადოება „თბილისელის“ ორგანიზებით აუქციონზე გამოიფინა. შეგროვილი თანხით ოლეგ ტიმჩენკოს ოპერაცია და შემდგომი სარეაბილიტაციო კურსი დაფინანსდა. „ეს მოხდა სასწრაფოდ. ჩვენ არ დავფიქრებულვართ, მაშინვე ჩაერთო საზოგადოება „თბილისელი“ ამ საქველმოქმედო ღონისძიებაში. მთავარია, რომ ადამიანი ჯანმრთელია და ემზადება იმისთვის, რომ უფრო მეტი ნამუშევარი შექმნას“,- აცხადებს საქველმოქმედო საზოგადოება „თბილისელის“ თავმჯდომარე ირაკლი მეძმარიაშვილი. საზოგადოება "თბილისელისთვის" ეს პირველი შემთხვევა არ არის, როდესაც ქველმოქმედებაში აქტიურ მონაწილეობას იღებს. 2015 წლის ივლისში, საზოგადოება "თბილისელისა" და მოსკოვში მოღვაწე ქართველების ერთობლივი ძალისხმევით, რუსეთის დედაქალაქში საღამო "თბილისის მეგობრები" გაიმართა. საღამოზე ჩატარებულ აუქციონზე თითქმის მილიონი ლარი შეგროვდა, რომელიც 13 ივნისს თბილისში მომხდარი სტიქიის შედეგად გარდაცვლილთა ოჯახებს მოხმარდა. როგორც ცნობილია, აღნიშნული თანხით 15 დაზარალებულ ოჯახს თბილისში საცხოვრებელი ბინა, საჭირო ავეჯითა და ტექნიკით გადასცეს.
(NS)
ახალი პოლიტიკური პარტია ჯერ საქართველო დაფუძნდა
ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს
რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს
პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
რუსეთმა და უკრაინამ მშვიდობიანი მოქალაქეები გაცვალეს
ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)