თუ მოხდებოდა სტრასბურგის სასამართლოს დარწმუნება, რომ ეს არის განსაკუთრებით პოლიტიკურად მნიშვნელოვანი დავა და არ არის მხოლოდ ქონებრივი დავა, ამ შემთხვევაში შეიძლებოდა სასამართლოსგან მიგვეღო ამ ტიპის ზომა, - ასე აფასებს ევროსასამართლოს მიერ „რუსთავი 2“-თან დაკავშირებით მიღებულ გადაწყვეტილებას პრეზიდენტის საპარლამენტო მდივანი ანა დოლიძე. 

ანა დოლიძის განცხადებით, ეს არის სასამართლოს ერთ-ერთი ბერკეტი, რომ შეაჩეროს შედეგების დადგომა, სანამ სასამართლო უფრო ღრმად ჩაიხედავს რომელიმე კონკრეტულ საქმეში. მისივე განცხადებით, 95%საქმეებისა, როდესაც სასამართლო მიმართავს ამ შეჩერების ბრძანებას, არის ძირითადად საქმეები, როდესაც ადამიანის სიცოცხლეს ეხება საფრთხე, როდესაც საქმე ექსტრადირებას ეხება, რომ პირს თავის ქვეყანაში ემუქრება წამების საფრთხე და ა.შ.

„ამ საკითხს ვუყურებდი ჩემი გამოცდილებიდან. თუ მოხდებოდა სტრასბურგის სასამართლოს დარწმუნება, რომ ეს არის განსაკუთრებით პოლიტიკურად მნიშვნელოვანი დავა და არ არის მხოლოდ ქონებრივი დავა, მხოლოდ ამ შემთხვევაში შეიძლებოდა სასამართლოსგან მიგვეღო ამ ტიპის ზომა. 95% საქმეებისა, როდესაც სასამართლო მიმართავს ამ შეჩერების ბრძანებას, არის ძირითადად საქმეები, როდესაც ადამიანის სიცოცხლეს ეხება საფრთხე, როდესაც საქმე ექსტრადირებას ეხება, რომ პირს თავის ქვეყანაში ემუქრება წამების საფრთხე და ა.შ. ეს არის სასამართლოს ერთ-ერთი ბერკეტი, რომ შეაჩეროს შედეგების დადგომა, სანამ სასამართლო უფრო ღრმად ჩაიხედავს რომელიმე კონკრეტულ საქმეში. ჩვენ ვიცით, რომ სტრასბურგის სასამართლოს სჭირდება საქმის განხილვისთვის ბევრი დრო, თუმცა შეიძლება საქმე განიხილოს პრიორიტეტულად თუ ზიანდება განსაკუთრებული სიკეთე, მაგრამ სანამ სასამართლო ამას გადაწყვეტს, იქამდე მნიშვნელოვანია ისე არ დაზიანდეს სიკეთე, რომ სასამართლომ რა გადაწყვეტილებაც არ უნდა მიიღოს, არ იყოს გვიანი. სავარაუდოდ, სასამართლომ 8 მარტამდე გააჩერა გადაწყვეტილების აღსრულება, რომ უფრო უკეთ ჩაიხედოს გადაწყვეტილებაში და ვითარებაში. ამის შემდეგ შესაძლებელია სასამართლომ მიიჩნიოს, რომ შეჩერდეს აღსრულება, სანამ ის შინაარსობრივად არ ჩაიხედავს საქმეში და არ გაირკვევა ვინ არის მტყუან-მართალი“, - განაცხადა ანა დოლიძემ.

შეგახსენებთ, ევროსასამართლომ უზენაესი სასამართლოს გადაწყვეტილების აღსრულება შეაჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა