ე.წ. მატროსოვის ციხეში, სადაც მკვლელობის მომზადების ფაქტზე დაკავებული დეკანოზი გიორგი მამალაძეა მოთავსებული, პროკურატურის წარმომადგენლები მივიდნენ.

როგორც პროკურორმა ჯარჯი წიკლაურმა #9-ე პენიტენციურ დაწესებულებაში შესვლამდე ჟურნალისტებს განუცხადა, დეკანოზ გიორგი მამალაძის ჯანმრთელობის მდგომარეობა დღესაც ნორმაშია და მას აქვს შესაძლებლობა, გამომძიებლებს ჩვენება მისცეს.

„იმედი გვაქვს, რომ ამჯერად მნიშვნელოვან კრიტიკულ კითხვებს ბრალდებული პასუხებს გასცემს. ე.წ. ციანიდის საქმესთან დაკავშირებით, ველოდებით მისგან პასუხებს“, - განაცხადა პროკურორმა ჯარჯი წიკლაურმა.

ჟურნალისტების კითხვაზე, დაცულია თუ არა გიორგი მამალაძის ოჯახის უსაფრთხოება, პროკურორმა განაცხადა, რომ ის შეხვდება გიორგი მამალაძეს და გამოკითხავს მისი ოჯახის მდგომარეობის შესახებ ინფორმაციას.

პროკურატურის წარმომადგენლებისა და ადვოკატებისთვის ამ დრომდე უცნობია, მისცემს თუ არა დეკანოზი დღეს ჩვენებას. თუმცა, როგორც საპატრიარქოს მსჯავრდებულებთან ურთიერთობის დეპარტამენტის დეკანოზმა, გიორგი თევდორაშვილმა მამა გიორგის მონახულების შემდეგ განაცხადა, ბრალდებული ჩვენების მიცემას დღეს არ აპირებს.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა