არასამთავრობო ორგანიზაცია „თავისუფალი ზონის წევრებმა“ რუსთაველის მეტროს წინ აქცია-პერფორმანსი მოაწყვეს.

როგორც ისინი ამბობენ, ამ სახით მათ რუსეთის მიერ საქართველოს ტერიტორიების ოკუპაცია გააპროტესტეს.

„თავისუფალი ზონის“ დამფუძნებლის კობა ხაბაზის თქმით, სურთ, მოსახლეობას კიდევ ერთხელ შეახსენონ, რომ რუსეთი ოკუპანტია. ამასთან, ისინი აფრთხილებენ  ადამიანებს, რომლებიც საქართველოში კოლაბორაციონისტულ პოლიტიკას ქადაგებენ:

„აქცია-პერფომანსია, რომელიც ასახავს, თუ რას აკეთებს რუსეთი საქართველოსთან მიმართებაში. ბანერზე გამოტანილია- „რუსეთი კლავს“. ეს დიდი ხნის წინ დაწყებულია. ეს არის შეხსენება ყველა ადამიანისათვის, რომ რუსეთი არ არის ჩვენი მოკავშირე, რომ რუსეთი არის მტერი, ოკუპანტი. ეს არის შეხსენება  და გაფრთხილება ყველა იმ ადამიანის, რომელიც კოლაბორაციონისტულ პოლიტიკას ქადაგებს საქართველოში. ქართველებმა ერთად უნდა მოვახერხოთ, რომ რუსეთი კავკასიონს მიღმა ჩავკეტოთ და მისი ფეხი აღარ იყოს აქეთა მხარეს საქართველოში“,-განუცხადა კობა ხაბაზმა „ექსპრესნიუსს“.

ამასთან, „თავისუფალი ზონის“ თავმჯდომარის ნიკა ჭურაძის თქმით, რუსეთს საქართველოსთვის კარგი არასოდეს გაუკეთებია და მოსახლეობამ ეს უნდა გაიაზროს:

„გვინდა, მოსახლეობას ვანახოთ კიდევ ერთხელ, რომ რუსეთი  ოკუპანტი და მკვლელია. მას კარგი არაფერი გაუკეთებია ჩვენთვის, გარდა სიკვდილისა“,-აღნიშნა ნიკა ჭურაძემ „ექსპრესნიუსთან“ საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება