პარლამენტის იურიდიულ საკითხთა კომიტეტის სხდომაზე "საგზაო უსაფრთხოების შესახებ" კანონრპექტზე მსჯელობენ. 

როგორც კომიტეტის სხდომაზე შინაგან საქმეთა მინისტრის მოადგილე შალვა ხუციშვილმა განაცხადა, პროექტის თავდაპირველ ვარიანტში ასახული ინიციატივა, რომელიც მარჯვენასაჭიანი ავტომობილების იმპორტის აკრძალვას ითვალისწინებდა, იმით იყო განპირობებული, რომ ბოლო ხუთწლიან დინამიკაში, მარჯვენასაჭიანი ავტომობილების რიცხვი განუხრელად არის გაზრდილი. 

ხუციშვილის განმარტებით, მარჯვენა და მარცხენასაჭიანი ავტომობილების რაოდენობის გათანაბრების საფრთხე შეიქმნა, რაც საერთო უსაფრთხოებაზე უარყოფითად აისახება. 

"აღნიშნული საფრთხე მარჯვენასაჭიანი ავტომობილების გაძვირებისკენ გადადგმული ნაბიჯებით მოიხსნა, რის გამოც, მათი იმპორტის აკრძალვა დღის წესრიგში აღარ დგას. საერთო ავარიების 20% მარჯვენასაჭიან ავტომობილებზე მოდის. ამ შემთხვევების უმრავლესობა მარჯვენასაჭიანი მანქანების მძღოლების ბრალეულობით არის გამოწვეული, თუმცა ავარიის მიზეზი შეიძლება ყოფილიყო სიჩქარის გადაჭარბება, ღერძულა ხაზის გადაკვეთა ან მძღოლის ნასვამ მდგომარეობაში ყოფნა“, - განაცხადა ხუციშვილმა. 

მინისტრის მოადგილის თქმით, საგზაო მოძრაობის წესებთან დაკავშირებული კანონპროექტიდან იმ მუხლს ამოიღებენ, რომელიც მარჯვენასაჭიანი ავტომობილების იმპორტს კრძალავდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ