„მამა გიორგი  მამალაძე თავს უკეთ გრძნობს, თუმცა საჭიროა მისი სტაციონარში გადაყვანა“,-ამის შესახებ დეკანოზ გიორგი  მამალაძის ექიმმა ზაზა ლაზარაშვილმა განაცხადა.

"ჩატარდა კონსილიუმი, დაიგეგმა ზოგიერთი სპეციფიკური გამოკვლევა, რომლის ჩატარებაც შესაძლოა სხვა კლინიკაში მოხდეს. დიაგნოზი არის ფილტვების ანთება, პნევმონია, გულთან დაკავშირებით პრობლემები არ აღინიშნება", - განაცხადა ექიმმა.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. ჯანმრთელობის მდგომარეობის გაუარესების გამო, დეკანოზი მესამე დღეა ჩაფიძის კლინიკაში იმყოფება. მამა გიორგი მამალაძე წარდგენილ ბრალს არ აღიარებს და დუმილის უფლებას იყენებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ