„რუსთავი 2“-ის მხარდამჭერები რუსთაველის მეტროსთან იკრიბებიან

2017-02-10 14:00:45, 1128 ნახვა

საზოგადოება

"რუსთავი 2"-ის მხარდამჭერები რუსთაველის მეტროსთან იკრიბებიან. 8 პოლიტიკური პარტია "რუსთავი 2-ზე" ზეწოლას და მის გარშემო მიმდინარე პროცესებს აპროტესტებს.

მსვლელობა რუსთაველის მეტროდან დაიწყება და უზენაეს სასამართლოსთან დასრულდება.

8 პოლიტიკური პარტიისგან შემდგარი საკოორდინაციო საბჭო, რომელიც მოძრაობა "ახალი ერთობა საქართველოსთვის" ინიციატივით შეიქმნა, პერმანენტული აქციების გამართვასაც გეგმავს იმ შემთხვევაში, თუ უზენაესმა სასმართლომ არაობიექტური გადაწყვეტილება გამოიტანა.

საკოორდინაციო საბჭოს შექმნის ინიციატივით პოლიტიკურ სუბიექტებს მოძრაობამ "ახალი ერთობა საქართველოსთვის" მიმართა. მოძრაობის წევრებს მიაჩნიათ, რომ ხელსუფლება "რუსთავი 2"-ზე ზეწოლას მიზანმიმართულად ახორციელებს. მათი შეფასებით, საქართველოში სიტყვის თავისუფლება საფრთხეშია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან