საზოგადოებრივი მაუწყებლის მხარდამჭერები ტელევიზიის შენობაში შეიჭრნენ

2017-02-09 19:44:33, 1111 ნახვა

საზოგადოება

საზოგადოებრივი მაუწყებლის მხარდამჭერები ტელევიზიის შენობაში შეიჭრნენ.

როგორც "ექსპრესნიუსის" კორესპონდენტი ადგილიდან იუწყება, აქციის მონაწილეები მათი პრობლემების შესახებ ღია დიალოგს ითხოვენ.

ამასთან, აქციის მონაწილეების ნაწილი 5 წუთიან ეთერს ითხოვს, რომ ჟურნალისტებს სოლიდარობა გამოუცხადონ.

საზოგადოებრივი მაუწყებლის დაცვა აქციის მონაწილეების შენობიდან გამოყვანას ცდილობს.

შეგახსენებთ, რომ "საზოგადოებრივი მაუწყებლის" შენობის წინ საპროტესტო აქცია დაიწყო. აქციაზე სიტყვით სხვადასხვა ჯგუფის წარომადგენლები გამოდიან, რომლებისთვისაც მიუღებელია მაუწყებელზე გადაცემების დახურვა. ისინი ამბობენ, რომ "ერთი კაცის მენეჯმენტს ტელევიზიის დახურვის უფლებას არ მისცემენ".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან