ვასილ მაღლაფერიძე საინფორმაციო გამოშვებების გარდა ყველა გადაცემის შეჩერებას გეგმავს

2017-02-06 12:40:54, 1128 ნახვა

საზოგადოება

საზოგადოებრივი მაუწყებლის გენერალურმა დირექტორმა ვასილ მაღლაფერიძემ ტელევიზიის კრიზისიდან გამოსვლის აუცილებელ გზებზე ისაუბრა.

მაღლაფერიძის თქმით, ეს არის - მაუწყებლის ყველა პლატფორმაზე ყველა გადაცემის და წარმოების შეჩერება საინფორმაციო გამოშვებების გარდა; თანამშრომლების რაოდენობის ოპტიმიზაცია; გამოთავისუფლებული თანხების მიმართვა მატერიალურ-ტექნიკური და ტექნოლოგიური ბაზის გასაახლებლად; მაუწყებლის ყველა სეგმენტში კონკურენციის პრინციპზე გადასვლა.

რაც შეეხება გადაცემების დახურვის შესახებ ინფორმაციას, მაღლაფერიძემ აღნიშნა, რომ ამგვარი რამ მაუწყებელში დაგეგმილი არ არის .

ბორდის მიერ გეგმის ამ სახით დამტკიცების შემთხვევაში, გადაცემები 2018 წლამდე შეჩერდება. რამდენ თანამშრომელს შეეხება ოპტიმიზაცია, მაღლაფერიძის თქმით, ეს გეგმის დამტკიცებაზეა დამოკიდებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან