„ვისოლ ჯგუფმა“ სოციალურად დაუცველი, შეზღუდული შესაძლებლობების მქონე  და ვეტარანთა ბავშვებისთვის  საახალწლო განწყობის  გასახანგრძლივებლად,  რუსთაველის თეატრთან  ერთად „შობის  ღამის“ საქველმოქმედო ჩვენებას უმასპინძლა და ეცადა, ბავშვებსა და მოზარდებს, რომელთაც განსაკუთრებულად ჭირდებათ საზოგადოების ყურადღება, დაბედებოდათ  სითბო და პოზიტიური განწყობა, გარემო , სადაც სიკეთე  იმარჯვებს ბოროტებაზე და ოცნებები სრულდება.

„მოხარული ვართ, საახალწლო დღეებში ვუმასპინძლოთ ბავშვებს, რომლებსაც უნდა გავულამაზოთ საახალწლო დღეები. „ვისოლ ჯგუფი“ და რუსთაველის თეატრი აკეთებს ლამაზ წარმოდგენას. ამავე დროს,  ბავშვებს საჩუქრები გადაეცემათ. იმედია, დღევანდელი  წარმოდგენა იქნება კიდევ ერთი ბედნიერი დღე მათ ცხოვრებაში“,-განაცხადა კომპანია „ვისოლის“ გენერალურმა დირექტორმა ვასილ ხორავამ.

არასამთავრობო ორგანიზაცია „ქვიშის საათის“, „ვორლდ ვიჟენის“, წყნეთის დღის ცენტრის, „ბერი ანდრიას ფონდის“  ბენეფიციარებისა და  ვეტერანთა ბავშვებისთვის  სადღესასწაულო განწყობის  შექმნაზე,    „შობის ღამის“  დაწყებამდე ყველასათვის საყვარელმა „ვენდის“ გოგონებმა, „სმარტის“ ციყვმა, „დანკინ დონატსის“ კორპორაციულმა გმირებმა  და თოვლის  ბაბუამ იზრუნეს.

„შობის ღამე“-ს პრემიერა რუსთაველის თეატრში  5 იანვარს გაიმართა.  სპექტაკლის რეჟისორები არიან რობერტ სტურუა და ნიკოლოზ-ჰაინე შველიძე.

„ვისოლ ჯგუფი“ ერთ-ერთი უდიდესი  ბიზნეს ჯგუფი და  უმსხვილესი დამსაქმებელია  საქართველოში, რომელმაც   უკვე არა მხოლოდ ენერგეტიკის თითქმის ყველა სფერო მოიცვა, არამედ  სამშენებლო და სარეკლამო ბიზნესშიც  დაიმკვიდრა სახელი და სუპერმარკეტების  ქსელის  განვითარებაზეც მუშაობს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია