საქართველოს პრეზიდენტმა გიორგი მარგველაშვილმა იერუსალიმში განხორციელებული ტერორისტული აქტის გამო შეშფოთება გამოთქვა და ებრაელ ხალხს მიუსამძიმრა:

„მინდა,  გამოვხატო გულისტიკივილი და შეშფოთება იმ ტერორისტული  აქტის გამო, რომელიც გუშინ მოხდა ისრაელში. ქართველი მებრძოლები მსოფლიოს სხვადასხვა წერტილში მტკიცედ დგანან გლობალური უსაფრთხოების სადარაჯოზე და ტერორიზმის წინააღმდეგ.

ჩვენ ამ ღირებულებების ერთგულებას ვამტკიცებთ არა მხოლოდ სიტყვით,  არამედ საქმით.  დღესაც მხარს ვუჭერთ ისრაელის ხალხს და გმოვხატავთ მათ თანადგომას ამ მძიმე წუთებში, როცა ქვეყანაში ტერაქტი მოხდა. ჩვენ გვჯერა, რომ თანამშრომლობა კეთილი ნების ქვეყნებს შორის, თანამშრომლობა, რომელიც ეფუძნება ჩვენი სახელწმიფოებრიობის და  სახელმწიფო ინტერესების აღიარებას, მიგვიყვანს ეფექტურ გადაწყვეტამდე ტერორიზმის პრობლემისა, როგორც კონკრეტული ტერორისტული აქტებისა, რომელიც  ხდება მსოფლიოს სხვადასხვა წერტილში, ისე იმ გლობალური პრობლემის გადასაწყვეტად, რომელსაც ჰქვია ISIS-ის პრობლემა და  რომელიც  კაცობრიობის კეთილი ნების და ღირებულებების მატარებელმა ქვეყნებმა ერთობლივად უნდა გადაწყვიტონ“,-განაცხადა გიორგი მარგველაშვილმა ისრაელის პრეზიდენთან ერთად გამართულ პრესკონფერენციაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს