საკონსტიტუციო კომისიის მდივნის, თამარ ჩუგოშვილის განცხადებით, კომისიის ამოცანაა, გამოიყენოს უნიკალური შესაძლებლობა იმისათვის, რომ შეიქმნას კონსტიტუცია, რომელიც კრიტიკის საგანი არ გახდება.

როგორც ჩუგოშვილმა სხდომაზე სიტყვით გამოსვლისას განაცხადა, ყველაფერი უნდა გაკეთდეს, რომ რამდენიმეთვიანი მუშაობის შემდეგ შექმნილი კონსტიტუცია, ქვეყნის განვითარებისთვის ძირითადი გზამკვლევი იყოს.

„მე მქონდა გამოცდილება წინა კომისიაში მუშაობის. თუმცა ეს საკმაოდ მძიმე გამოცდილება იყო, რომელიც სამწუხაროდ საუკეთესო შედეგით არ დასრულებულა, მაგრამ მჯერა, რომ ამ კომისიის შედეგები იქნება ბევრად უკეთესი. უნდა გამოვიყენოთ შესაძლებლობა, რომელიც მოგვეცა იმისთვის, რომ ერთხელ და სამუდამოდ გვქონდეს კონსტიტუცია, რომელიც დროს გაუძლებს და ყოველი საპარლამენტო არჩევნების შემდეგ, ხელახლა დისკუსიის და კრიტიკის საგანი არ გახდება, არამედ რომელზეც საზოგადოების დიდი ნაწილი იქნება შეთანხმებული. დარწმუნებული ვარ, რომ ჩვენ ამის შესაძლებლობა გვექნება და ყველაფერი გაკეთდება იმისთვის, რომ ასეთი ტიპის კონსტიტუცია იყოს მიღებული“, - განაცხადა ჩუგოშვილმა.

მისივე ინფორმაციით, კომისია იქნება მაქსიმალურად ღია, რთა ყველა მსურველმა შეძლოს კონსტიტუციაში შესატანი ცვლილებების იდეები წარადგინოს.

„იმედი მაქვს, რომ ბევრი იდეა გაჟღერდება იმასთან დაკავშირებით, თ რა ცვლილებები უდნა შევიდეს კონსტიტუციაში, მიუხედევადა იმისა, რომ მე დამევალება საორგანიზაციო საკითხები, მაინც ვიქნები ჩართული იდეების მიწოდებაშიც. კონსტიტუციის ფორმატი იქნება ძალიან ღია და ყველა მსურველს შეეძლება იდეები წარადგინოს. მადლობა ვუხდი ყველა წევრს, რომელიც კომისიის მუშაობაში მიიღებს მონაწილეობას“, - განაცხადა ჩუგოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება