საქართველოს პრეზიდენტის საპარლამენტო მდივანმა ანა დოლიძემ დღეს კონფერენციაში "გავიმარჯვოთ ქალებთან ერთად" მიიღო მონაწილეობა.

პრეზიდენტის საპარლამენტო მდივანმა ეროვნულ დემოკრატიული ინსტიტუტის (NDI) მიერ ორგანიზებული ღონისძიება კონფერენციაში მონაწილე სხვა ქალ ლიდერებთან ერთად გახსნა და დამსწრე საზოგადოებას სიტყვით მიმართა. ანა დოლიძემ ქვეყანაში პოლიტიკასა და საჯარო სექტორში ქალების ჩართულობასა და თანასწორობაზე ისაუბრა. მისი განცხადებით, საქართველოში ქალების როლი ისტორიულად, ყოველთვის საკმაოდ დიდი იყო.

"ჩვენ არაერთხელ აღგვინიშნავს, რომ ისტორიულად ქალის როლი ყოველთვის ძალიან მნიშვნელოვანი იყო საქართველოში პოლიტიკასა და საჯარო სივრცეში.  დღეს ამ კონფერენციაზე ჩვენ განვიხილავთ იმ კონკრეტულ გზებსა და მექანიზმებს, რომელთა მეშვეობითაც უნდა გავაძლიეროთ ქალების მონაწილეობა. არაერთხელ აღგვინიშნავს, რომ საფიქრალია ბევრ ბერკეტზე, რომლებიც ხელს შეუწყობენ, რომ მეტი ქალი იყოს წარმოდგენილი საჯარო სივრცესა და პოლიტიკაში; მათ შორის, გვისაუბრია მაგალითად - მივიღოთ თუ არა კვოტების მექანიზმი. რაც მთავარია, ჩვენ უნდა გავიხსენოთ და დავფიქრდეთ იმაზე, რომ ქალების აქტიური მონაწილეობა საჯარო სივრცეში ქართული იდენტობის განუყოფელი ნაწილია, რომლის გარეშეც არ არსებობს საქართველოს ისტორია", - განაცხადა ანა დოლიძემ.

კონფერენციის "გავიმარჯვოთ ქალებთან ერთად" მთავარი თემა მეტი ჩართულობაა; ღონისძიების მონაწილეებს შესაძლებლობა აქვთ გაეცნონ პარტიების ხედვას, თუ როგორ აპირებენ ქალთა პოლიტიკური ჩართულობის გაზრდას, ასევე მოისმინონ პარლამენტის გენდერული თანასწორობის საბჭოს წინაშე მდგარი გამოწვევები და შესაძლებობები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია