თბილისის მერის მოადგილე ირაკლი ლექვინაძე აზიის განვითარების ბანკის მიწვევით მდგრადი ტრანსპორტის პირველ გლობალურ კონფერენციაში მიიღო მონაწილეობა.

თბილისის მერიის ინფორმაციით, კონფერენცია 26-27 ნოემბერს გაეროს ეგიდით თურქმენეთში, ქალაქ აშხაბდში ჩატარდა.

მათივე ინფორმაციით, პანელის ფარგლებში, რომლის თემა იყო 21-ე საუკუნის ურბანული ტრანსპორტი და თანამედროვე ტენდენციები,  ირაკლი ლექვინაძე მოხსენებით წარსდგა და ისაუბრა თბილისში სატრანსპორტო სისტემასა და არსებულ გამოწვევებზე, ასევე აზიის განვითარების ბანკის მხარდაჭერით განხორციელებულ პროექტებზე.

გარდა ამისა,  მერის მოადგილემ კონფერენციის მონაწილეებს გააცნო აზის განვითარების ბანკის მხარდაჭერით მომზადებული თბილისის ურბანული მობილობის სტრატეგიის დოკუმენტის ძირითადი მიმართულებები და მწვანე ტრანსპორტის განვითარების ტენდენციები.

პანელს უძღვებოდა აზიის განვითარების ბანკის ვიცე-პრეზიდენტი ბაბბანგ სუსანტონო.

„თბილისი მთავრობა აქტიურად მუშაობს დონორებთან და კერძო სექტორთან ტრასპორტის სფეროში პროექტების განხორციელების მიმართულებით. ქალაქი ამუშავებს მწვანე ქალაქის სამოქმედო გეგმას, სადაც მნიშვნელოვანი როლი სატრანსპორტო სისტემის მოდერნიზაციას უჭირავს. ტრანსპორტის სექტორში ვმოქმედებთ თბილისის ურბანული მობილობის სტრატეგიით 2030, რომელი აზიის განვითარების ბანკის ფინანსური მხარდაჭერით განხორციელდა. თბილისის მოსახლეობა 1,2 მლნ. ადამიანია, იზრდება მოსახლეობა, სწრაფი ტემპით მიმდინარეობს ურბანიზაციის პროცესი, ავტომობილების რიცხვი, შესაბამისად ახალ გამოწვევებზე საჭიროა ადეკვატური პასუხი“, - განაცხადა ირაკლი ლექვინაძემ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა