საბურთალოს რაიონის გამგეობის საპილოტე პროექტის, „მართე შენი ქალაქის“ ფარგლებში, ბინათმესაკუთრეთა ამხანაგობების თავმჯდომარეებისათვის სპეციალური ტრენინგი ჩატარდა თემაზე „ბინათმესაკუთრეთა ამხანაგობის შექმნის და ფუნქციონირების სამართლებრივი და ფინანსური საფუძვლები“.

ტრენინგები, რომელსაც საბურთალოს რაიონის 22 ბინათმესაკუთრეთა ამხანაგობის თავმჯდომარე დაესწრო, ჩაატარა კონსორციუმმა „სამართლებრივი დახმარება საქართველოს“.   განსაკუთრებული ინტერესი გამოიწვია ბინათმესაკუთრეთა ამხანაგობების კუთხით დღეს მოქმედმა კანონმდებლობამ. გამოითქვა სხვადასხვა მოსაზრება კანონის კონკრეტულ მუხლებში ცვლილებების შეტანის საჭიროებაზე.

ტრენინგებს დაესწრო საბურთალოს რაიონის გამგებელი ბექა მიქაუტაძე, რომელმაც აუდიტორიას შესთავაზა საბურთალოს რაიონში ბინათმესაკუთრეთა ამხანაგობების ასოციაციის შექმნა. გამგებლის ინიციატივაზე ამხანაგობის თავმჯდომარეებს შორის გაიმართა დისკუსია ასეთი გაერთიანების შექმნის მიზანშეწონილობაზე, მოსალოდნელ შედეგებსა და მუშაობის სპეციფიკაზე.

საბურთალოს რაიონის გამგებლის ბექა მიქაუტაძის განმარტებით, ბინათმესაკუთრეთა ამხანაგობების ასოციაციის შექმნა პროექტ „მართე შენი ქალაქის“ ერთ-ერთი მნიშვნელოვანია ეტაპია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით