2016-10-21 09:38:56, 735 ნახვა
საზოგადოება
იზორია საკონსტიტუციო სასამართლოს ახალი თავმჯდომარისადმი გამოთქმულ კრიტიკას მორიგ სპეკულაციას უწოდებს
თავდაცვის მინისტრი ლევან იზორია საკონსტიტუციო სასამართლოს ახალი თავმჯდომარისადმი გამოთქმულ კრიტიკას პასუხობს და მორიგ სპეკულაციას უწოდებს.
იზორიას თქმით, საკონსტიტუციო სასამართლოს პლენუმმა დამოუკიდებლად მიიღო გადაწყვეტილება ვინ უნდა აერჩია.
„ეს არის მორიგი სპეკულაციები და ბუნებრივია, არჩევნები ტარდებოდა იმ პროცედურების დაცვით, რასაც კანონი ითვალისწინებს. პლენუმმა მიიღო თავისი გადაწყვეტილება, შესაბამისად, ამ გადაწყვეტილებას სჭირდება აღიარება. ასე რომ ამაში სპეკულაციების საფუძველს ნუღარ ვეძებთ,“ - განაცხადა ლევან იზორიამ.
ცნობისთვის, გუშინ საკონსტიტუციო სასამართლოს თავმჯდომარედ სასამართლოს პლენუმმა ზაზა თავაძის კანდიდატურას მხარი დაუჭირა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
