2016-10-17 14:27:24, 735 ნახვა
საზოგადოება
20-23 ოქტომბერს ქვეყნის მასშტაბით გამოიდარებს
უახლოესი დღეების განმავლობაში საქართველოს მასშტაბით არამდგრადი ამინდებია მოსალოდნელი.
გარემოს ეროვნული სააგენტოს ინფორმაციით, საქართველოს უმეტეს რაიონებში იწვიმებს. ჰაერის ტემპერატურა +9, +14° იქნება.
„18 – 23 ოქტომბერს დასავლეთ საქართველოში მოსალოდნელია უმეტესად უნალექო ამინდი, 18-19 ოქტომბერს იქროლებს აღმოსავლეთის ძლიერი ქარი, ჰაერის ტემპერატურა მოიმატებს +14, +19°-მდე, 20-23 ოქტომბერს კი, +19, +24°-მდე.
რაც შეეხება, აღმოსავლეთ საქართველოს, 18 – 19 ოქტომბერს ზოგიერთ რაიონში მოსალოდნელია წვიმა და ნისლი, ღამით მთაში ზოგან თოვლი, იქროლებს აღმოსავლეთის ქარი 10-15 მ/წმ. ჰაერის ტემპერატურა დაიკლებს და +5, +10° -მდე.
20-23 ოქტომბერს გამოიდარებს და ჰაერის ტემპერატურა +13, +18 °-მდე მოიმატებს“,-აცხადებენ გარემოს ეროვნულ სააგენტოში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
