სრულიად საქართველოს კათოლიკოს-პატრიარქმა ილია მეორემ დღევანდელი ქადაგებისას შვილებისა და მშობლების ურთიერთობაზე ისაუბრა.

უწმინდესის თქმით, ოჯახში სიმშვიდე არ არის. როგორც ილია მეორემ ბრძანა, ხშირად შვილები მშობლებს აკრიტიკებენ და შეურაცხყოფას აყენებენ მათ. ამასთან, პატრიარქის განცხადებით,  არის შემთხვევა, როდესაც დედა წყევლის შვილს, რაც ძალიან საშიშია.

„მრავალი პრობლემა არსებობს, მრავალი გაჭირვების წინაშე დგას კაცობრიობა და ადამიანი. ერთ-ერთი პრობლემა ეს არის ოჯახის პრობლემა, ეს არის ურთიერთდამოკიდებულება მშობლებსა და შვილებს შორის.

ხშირ შემთხვევაში, წყევლა სრულდება. მინდა შეგახსენოთ, რაც იყო წარსულში- ეს არის დალოცვა შვილების მშობლების მიერ. იმისათვის, რომ შვილი ბედნიერი იყოს, მშობლებმა უნდა დალოცოს. ამასთან, უნდა აჩუქოს მას ნაკურთხი ხატი და ეს ხატი იქნება მფარველი მისი მთელი ცხოვრების.

ჩემმა მშობლებმაც დამლოცეს და ეს პანაღეა, რომელიც მაქვს, ეს მათი დალოცვის პანაღეაა.ამას აქვს ძალიან დიდი ძალა. თქვენ ნახავთ, დალოცვის შემდეგ შეიცვლება ოჯახი. სიყვარული შემოვა, დამშვიდდებიან შვილები და დამშივდდებიან მშობლებიც",- ბრძანა უწმინდესმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება